Վրաստանում զանգվածային բողոքի ակցիաները կշարունակվեն

Աշխարհ 27.11.2019   23:05   181
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

netgazeti.ge կայքի փոխանցմամբ՝ Վրաստանի ընդդիմությունը հայտարարել է, որ շարունակելու է պիկետներ և ցույցեր անցկացնել, իսկ հաջորդ լայնածավալ բողոքի ակցիայի անցկացման մասին կհայտարարի այս շաբաթվա վերջին:

Ընդդիմության առաջնորդները ցույցերի շարունակության մասին հայտարարությունն արել են Լեյբորիստական կուսակցության գրասենյակում անցկացված խորհրդատվություններից հետո:

«Խաղաղ, ոչ բռնի ակցիաները կշարունակվեն: Ընդդիմությունն ունի գործողությունների միասնական ծրագիր: Մենք շարունակելու ենք պիկետներ անցկացնել խորհրդարանի առաջ: Մեծամասշտաբ բողոքի ակցիայի անցկացման օրը կհայտարարվի շաբաթվա վերջին: Ուրբաթ տեղի կունենա օրինագծի ներկայացում, որով մենք առաջարկում ենք դուրս գալ փակուղուց»,-հայտարարել է «Նոր Վրաստան» կուսակցության առաջնորդ Գիորգի Վաշաձեն:

Ընդդիմադիր գործիչը նշել է նաև, որ մինչև մեծամասշտաբ բողոքի ակցիան, մյուս պիկետներն ու ցույցերը ինքնըստինքյան կկազմակերպվեն, իսկ խոշոր բողոքի ակցիայի օրը կախված կլինի խորհրդարանական շաբաթվա արդյունքներից:

Հիշեցնենք՝ Թբիլիսիում զանգվածային բողոքի ցույցեր են սկսվել՝ խորհրդարանի կողմից խառը ընտրական համակարգից համամասնականի անցնելու վերաբերյալ սահմանադրական բարեփոխումների ընդունման տապալման պատճառով: Ցուցարարները հայտարարել են, որ իրենք բողոքի ակցիաներ կանեն այնքան ժամանակ, քանի դեռ ընտրությունները չեն անցնի համամասնական ընտրակարգով:



 Պիտակներ
         Վրաստան


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon