Վրաստանի առողջապահական ներուժը սպառված է. Վարչապետ

Աշխարհ 06.10.2020   13:25   49

Վրաստանի առողջապահական համակարգի ներուժը սպառված է, ու սա ամենամեծ ռիսկն է: aliq.ge-ի փոխանցմամբ՝ Այս մասին երեկ հայտարարել է երկրի վարչապետ Գիորգի Գախարիան:

Նա ընդգծել է, որ այսօր, երբ պանդեմիայից մոտ 8 ամիս է անցել, ժամանակակից աշխարհը չի կարողացել կորոնավիրուսի դեմ պայքարում նոր բան առաջարկել: Այդ պատճառով հորդորները նույնն են` դիմակ, հեռավորության պահպանում,  հանրային վայրեր այցերից խուսափում և այլն:

Գախարիան հաստատել է` կառավարությունը  չի պատրաստվում դիմել սահմանափակումների, սակայն երկիրն ադապտացիայի ու համաճարակի կառավարման փուլում է,  այդ պատճառով քաղաքացիներից պահանջվում է հետևել կանոններին` կրկնելու համար այն հաջողությունը, որ երկիրն ունեցավ վարակի բռնկման առաջին ալիքի դեպքում:

Կազմակերպությունների կողմից ջերմաչափումն ուժի մեջ է, և չնայած պարտադրանք չկա, բայց դեռևս ուժի մեջ է տարեցների` տնից միայն ծայրահեղ անհրաժեշտության դեպքում դուրս գալու պահանջը:

 



 Պիտակներ
         Վրաստան


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb