Վիրաբույժը կրծքերս մեծացրել է առանց իմ համաձայնության․ Շերոն Սթոուն

Աշխարհ 02.04.2021   19:15   65

Ամերիկյան աշխարհահռչակ դերասանուհի Շերոն Սթոունն իր «The Beauty of Living Twice» հուշագրության մեջ պատմել է, որ 2001թ.-ին պլաստիկ վիրաբույժը մեծացրել է նրա կրծքերը՝ առանց իր համաձայնության:

Վիրահատական սեղանին Սթոունը հայտնվել է կրծքի բարորակ ուռուցքը հեռացնելու համար: Ինչպես նա գրում է իր հուշերում, ուռուցքներն ավելի մեծ էին, քան կրծքերը:

Անզգայացումից արթնանալուց հետո դերասանուհին հայտնաբերել է, որ վիրաբույժը սեփական նախաձեռնությամբ իր կրծքերի մեջ իմպլանտներ է տեղադրել: «Երբ վիրակապերը հանեցին, ես տեսա, որ իմ կրծքերը մեկ չափով մեծացել են»,- գրել է դերասանուհին:

Վիրաբույժը բացատրել է, որ ադպիսի կուրծքն ավելի հարմար է դերասանուհու ազդրերի չափին: Նրան զարմացրել է դերասանուհու վրդովմունքը: «Նա ձևափոխել է իմ մարմինը՝ առանց իմ գիտության ու համաձայնության»,- ասել է Սթոունը:

Այնուհանդերձ, դերասանուհին չի դիմել դատարան և ամեն ինչ թողել է այնպես, ինչպես կա:


 Պիտակներ
         Շերոն Սթոուն


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb