Մուտքագրել որոնվող բառը(երը)
ՀԱՐՑԱԶՐՈՒՅՑ

Կարեն Պողոսյան. Քաղաքականության մեջ կարևորը փոխվստահությունն է ընտրողի ու թեկնածուի միջև

12:00 28 Նմբ 2018
Դիտումներ 2431
Կարեն Պողոսյան. Քաղաքականության մեջ կարևորը փոխվստահությունն է ընտրողի ու թեկնածուի միջև

ScanNews-ի զրուցակիցն է «Մենք» դաշինքի ցուցակով պատգամավորի թեկնածու առաջադրված, մասնագիտությամբ բժիշկ, վնասվածաքաբան Կարեն Ջանոյի Պողոսյանը:

- Պարոն Պողոսյան Դուք առաջադրվել եք «Մենք» դաշինքի ցուցակում, կներկայացնեք ինչո՞վ եք զբաղվում և ինչո՞ւ որոշեցիք առաջադրվել հենց «Մենք» դաշինքով:  

- Մասնագիտությամբ բժիշկ եմ՝ վնասվածքաբան: Աշխատում եմ Երևան քաղաքի Վնասվածաքաբանության և օրթոպեդիայի գիտական կենտրոնում: Ինքս անկուսակցական եմ, սակայն որոշելով զբաղվել  քաղաքականությամբ, միացա «Մենք» դաշինքին: Ինչու հենց այս դաշինքը, որովհետև «Մենք» դաշինքում հավաքված են ազնիվ և խիզախ մարդիկ: Մարդիկ, ովքեր երբևէ չեն դավաճանել ոչ իրենց թիմին, ոչ մյուսներին: Դաշինքում հավաքված են մարդիկ ովքեր ունակ են լսելու դիմացինի կարծիքը և շահագրգռված են միայն մեկ նպատակի`պայքարել Հայաստանի բարօրության ու զարգացման համար: Դաշինքը գլխավորում է Արամ Սարգսյանը`երջանկահիշատակ Վազգեն Սարգսյանի եղբայրը, ով դեռ 90-ականներից պայքարել է նախկին իշխանությունների` կեղծիքների, թալանների և ապօրինությունների դեմ և երբեք չի արատավորվել թիմ փոխելով կամ տարբեր քաղաքական ոչ հարիր պահվածքով: Ես տեսնում եմ, որ կան բազմաթիվ կուտակված խնդիրներ այդ թվում առողջապահության ոլորտում: Խնդիրները կուտակվել են տարիների ընթացքում և իրենց լուծումները չեն գտել, լուծման ուղիները չեն պարզեցվել և մոտ ապագայում էլ այդ լուծումները չենք տեսնում:

- Վերջին շրջանում բուռն քննարկման թեմա դարձավ Առողջապահության նախարար Արսեն Թորոսյանի գործունեությունը, դուք որպես բժշկության ոլորտի ներկայացուցիչ ի՞նչ բացթողումներ եք տեսնում այդ ոլորտում, կխնդրեի ներկայացնեք ամենակարևորների եռյակը:

- Առողջապահության ոլորտում ներկայիս կատարվող փոփոխություններն իհարկե դրական են նախկինի համեմատ, բայց իմ կարծիքով ավելի շատ պոպուլիստական բնույթ են կրում: Նշեմ մեկ-երկու հիմնարար հարցեր. ԱՆ ժամանակավոր պաշտոնակատար Արսեն Թորոսյանը նախընտրական շրջանում հայտարարեց, որ պոլիկնիլիկաների բուժաշխատողների աշխատավարձերը հունվար ամսից անպայման կբարձրացվեն և 170 հազարից կդառնա 240 հազար դրամ: Ինքս լինելով բուժաշխատող շատ ողջունում եմ նմանատիպ ցանկությունը, բայց… Պոլիկնիլիկայում ոչ մի բժիշկ չի ստանում  170 հազար դրամ, որ մի հատ էլ բարձրանա 240 հազար, նրանք ստանում են ընդամենը 70 հազար դրամ, եզակի դեպքերում` 80 հազար: Ես ունեմ շատը կոլեգաներ, ովքեր ստանում են 70 հազար դրամ և սպասարկում են 1500 երեխայի, որը շատ մեծ թիվ է: Հետևաբար համակերպվել դրա հետ իհարկե չի հարելի: Փոխարենը կարող են հայտարարել, որ ստանում են 70 հազար դրամ և X գումարով կավելացնեն աշխատավարձերը:

Հաջորդ խնդիրը մեր երեխաների բուժօգությունն է, որը 2004 թվականց անվճար էր մինչև 7 տարեկան երեխաների համար: 7 տարեկանից բարձր երեխաների համար բուժսպասարկումը իրականացվում է ընդհանուր հիմունքներով: Պետք է չմոռանալ, որ մեր հասարակության մեծ մասը չունի այդ հնարավորությունը երեխային բուժելու, առավել ևս նրան Երևան  տեղափոխելու նեղ մասնագիտացած բուժման համար: Սա մեր ազգի համար լուրջ խնդիր է, քանի  որ, եթե խնդիրը չի հետազոտվում և լուծվում սկզբնական փուլում, բնական է, որ այն քրոնիկ հիվանդություն է դառնում և մեր երեխաներն արդեն հասուն տարիքում փաստի առաջ են կանգնում:

- Իսկ ինչու՞ եք հենց հիմա բարձրաձայնում այդ խնդիրները։ 

Այս խնդիրներն ես հիմա եմ բարձրաձայնում, որովհետև նոր իշխանությունները քայլեր չձեռնարկեցին դրանց լուծման ուղղությամբ: Արդեն հաստատվեց 2019 թվականի պետբյուժեն, ահռելի գումարներ ուղղվեցին առողջապահական ոլորտին, բայց ապարդյուն: Հիմնավորեմ ինչու, որովհետև գումարներն ուղղվեցին թանկարժեք դժվար հասանելի վիրահատությունների կամ հիվանդությունների բուժման համար: Այո, դա ողջունելի է, բայց ասենք 3-4 վիրահատությունից հետո տվյալ կլինիկայի բժիշկը կհայտարարի, որ այլևս գումար չկա և ամեն բան կշարունակվի իր հին հունով: Այնինչ կարելի էր այդ գումարն առավել օգտակար տարբերակով բաշխել:

- Դա ի՞նչ անդրադարձ կունենա թոշակառուների վրա։

Թոշակառուների խնդիրը շատ կարևոր է: Դեռ նախկին իշխանությունների «թեթև» ձեռքով կենսաթոշակառուների բուժսպասարկումը դարձավ համավճարի հիմունքներով, երբ պետությունը տալիս է որոշակի գումար, իսկ մնացածը վճարում է թոշակառուն: Ցավոք հեղափոխությունից հետո այս խնդիրը կրկին մնաց անլուծում և կենսաթոշակառուների անվճար բուժսպասարկմանն այդպես էլ անդրադարձ չեղավ: Չմոռանամ նշել նաև ապահովագրության կարևորության մասին, որի գործընթացը ցավոք շատ է դանդաղում:

- Մարդկանց մտահոգող գլխավոր խնդիրների շարքում են արտագաղթն ու գործազրկությունը: Ինչպե՞ս եք պատկերացնում այս խնդիրների լուծումը: Հնարավո՞ր եք համարում հասնել գործազրկության մակարդակի էական նվազման:

- Մեր ազգը շատ աշխատասեր ու համախմբված ազգ է, դրա հազարավոր օրինակներ կարող ենք բերել: Մենք միատարր պետություն ենք, այսինքն սա բազմազգ պետություն չէ, որ հնարավոր չլինի կառավարել և հասնել արդյունքի: Եթե գնում ենք այդ ուղղությամբ, ապա շատ դանդաղ ենք գնում: Բոլորս լավատեղյակ ենք, թե մեր հայրենակիցներն այլ երկրներում ինչպիսի հաջողությունների են հասնում: Վարչապետի պաշտոնակատար Նիկոլ Փաշինյանը հայտարարում է` պետք է «Փարոս» համակարգը ընդհանրապես վերացնենք: Այո, այդ համակարգում կան լուրջ խնդիրներ, բայց համակարգը պետք չի իսպառ վերացնել կոռուպցոն ռիսկերը բացառելու համար, ուղղակի պետք է մաքրել համակարգը: Մենք դրանով գործազրկության դեմ չեն պայքարում, չնայած վարչապետը գտնում է, որ «Փարոս»-ի պատճառով մարդիկ չեն աշխատում: Երբ մենք նրանց կտանք հիմնական աշխատանք գոնե նորմալ աշխատավարձով, սոցիալապես անապահովների այդ համակարգն ինքնին կվերանա: Գյուղացիներն ասում են. «եթե ունենաք աշխատանք, որը մեզ կապահովվի գոնե ամսական 150 հազար դրամով, ոչ ոք արտագնա աշխատանքի չի մեկնի, կտրվելով իր ընտանիքից»:

Անդրադառնամ հասարակության շրջանում մեծ աղմուկ հանած ՊԵԿ նախագահի հայտարարությանը, որ ուզում են հարկ գանձեն արտագնա աշխատողների ստացած գումարներից: Թեև  վարչապետը հերքեց, բայց կարծում եմ, որ դա  նախընտրական փուլի հետ կապված հայտարարություն էր, քանի որ չեմ կարծում, թե ՊԵԿ նախագահի պես բարձր պաշտոնյան նման հայտարարություն անի առանց  թեման քննարկելու: Ուղղակի տեսնելով բացասական ռեակցիան մի քայլ հետ գնացին: Թեմայի հետ կապված արտագնա մեկնողները նշել են` պատրաստ են ընտանիքներին տեղափոխեն Ռուսաստան, քան վաստակած գումարն ուղարկեն, որի մի մասն էլ պետք է պետությունը գանձի: Սրանով ոչ թե ներգաղթ ենք խթանում, այլ` հակառակը:

Եթե ուշադիր հետևեք իրադարձություններին, ապա կտեսնեք, որ նեկայումս ընթանում է նույն պրոցեսը ինչ որ նախկինում, այսինքն ամեն ինչով գովել ղեկավարի ասածը, ցույց տալ նրան, որ դա  միակ լավ տարբերակն է և միակ ճիշտ լուծումը: Սա սխալ մոտեցում է, ինչը թույլ չի տալիս ղեկավարին ճիշտ եզրահանգումներ անել և նա չունի դրա երկրորդ, երրորդ տարբերակը և ԱԺ գնալու մեր նպատակներից մեկն էլ հենց դա է` ցույց տանք այլընտրանք:

ՀՀԿ-ն հայտարարում է, որ միակ իրական քաղաքական ուժն իրենք են, և ընտրությունը պետք է տեղի ունենա «Իմ քայլը» դաշինքի և ՀՀԿ-ի միջև։ Ի՞նչ եք կարծում՝ նրանք թերագնահատո՞ւմ են այլ քաղաքական ուժերի կարողությունները, թե՞...

- Ոչ, իհարկե չեն թերագնահատում: Նրանք իրականում շատ փորձառու քաղաքական գործիչներ են և շատ լավ գիտեն, որ մյուս քաղաքական ուժերը շատ ավելի մեծ շանսեր ունեն, քան իրենք: Սա ձայներ կորզելու քաղաքական խորամանկ քայլ է: Կարծում եմ`թեև ՀՀԿ-ում կան շատ խելացի ու փորձառու մարդիկ, որոնց ներուժը կարելի է օգտագործել, բայց կարծում եմ` նրանք որևէ շանս չունեն ԱԺ մտնելու և հասարակությունը նրանց համարում է արդեն անցած էտապ: Այն ճահիճը, որը սարքեց Հանրապետականը և ողջ երկիրն իր բնակչությամբ ու տնտեսությամբ ընկղմեց դրա մեջ և որտեղից շատ դժվար է դուրս գալը, իրենք դրանց պատասխանատուն են: Ժողովուրդը թարմ  հիշողություն ունի, ուստի այս ընտրություններում  ՀՀԿ-ի հնարավորությունները շատ քիչ են:

- Ազատ դեմոկրատները և Հանրապետություն կուսակցությունը հայտնի են արևմտամետ գաղափարներով, ի՞նչ եք առաջարկում հասարակությանը։

- Մենք հասարակությանը պետք է հասցնենք, բացատրենք, որ լինել արևմտամետ չի նշանակում բերել եվրոպամետ այն արժեքները, որոնք բնորոշ չեն մեր ազգին: Ոչ: Ազատ դեմոկրատների և Հանրապետություն կուսակցության միացումը եղավ գաղափարական հենքի վրա: Այս նույն դաշինքի ղեկավարներն ու անդամները ունեն եվրոպական մոտեցումներ։ Մեր ընտրողին բացատրում ենք, թե ինչպիսի պետություն ենք ուզում տեսնել ասենք 40 տարի հետո, հետսովետական ռուսակա՞ն տարբերակով, երբ կենտրոնը գերզարգացած է, իսկ ծայրամասերում տիրում է չքավորություն, թե՞ օրինակ Սլովակիայի պես պետություն, երբ հավասարապես զարգանում  են երկրի բոլոր հատվածները: Առողջապահական ոլորտին անդրադառնամ և ասեմ, որ բժշկական տուրիզմը դա միայն լավ բուժսպասարկում չի ներսի բնակչության համար: Նույն օրինակ է Ֆրանսիան, Գերմանիան, Իսրայելը, որոնք միլիարդավոր դոլարներ մուտքեր են ունենում բժշկական տուրիզմի համար: Մենք ունենք մեծ պոտենցիալ, որոնց հարկավոր է պետական մոտեցում:

- Եվրոպական արժեքներին որդեգրելուն հակադարձում են, որ դա ուղղակի ճանապահ է Ռուսաստանից, մասնավորապես ՀԱՊԿ-ից դուրս գալուն և նշում, որ եվրոպամետ ուժերը Հայաստանին ուզում են տանեն ՆԱՏՕ: Ի՞նչ կասեք այս մասին:

- Ես համամիտ չեմ նման կտրուկ մոտեցմանը, բայց եկեք մի փոքր ավելի գլոբալ նայենք այս ամենին: Երբ ասում ենք, որ մենք ուզում ենք մեր բանակը հասնի ՆԱՏՕ-ի բանակի մակարդակաին, այստեղ ոչ մի բացասական բան չկա: Օրինակ, Թուրքիան լինելով ՆԱՏՕ-ի անդամ կարողանում է C-400 գնել ոչ ՆԱՏՕ-ի անդամ պետությունից: Իհարկե դա իր պաշտպանության համար լավ է: Լինելով ՀԱՊԿ-ի անդամ, երբ ուզում ենք մեր բանակը հզորացնենք և հասնենք ՆԱՏՕ-ի զորքերի մակարդակին դա միանշանակ դրական է:

Չմոռանանք, որ ՀԱՊԿ-ի մյուս անդամ պետությունները փորձում են ուժի դիրքերից խոսել Հայաստանի հետ, զենք են վաճառում մեր թշնամիներին: Իսկ, երբ մեզ հաջողվի մտնել ՆԱՏՕ, մեզ ձեռնտու պահին կարող ենք հայտարարել  ՀԱՊԿ-ից դուրս գալու մասին: Ես կարծում եմ, որ ՀԱՊԿ-ն արդյունավետ չէ, իսկ ԵԱՏՄ ոչինչ չտվեց մեր պետությանը և չէր էլ տա, քանի որ մենք չունենք ընդհանուր սահմաններ ԵԱՏՄ պետությունների հետ: Տնտեսության հայելին հասարակաությունն է, հարցրեք ինչ է փոխվել նրանց կյանքում այս ընթացքում: Մեր դաշինքը չի գտնում, որ պետք է կտրուկ քայլերի գնալ, այսօր դուրս գալ ՀԱՊԿ-ից, վաղը` ԵԱՏՄ-ից: Պարզապես պետք է աչքի առաջ ունենալ նաև այլ օրինակ, որպեսզի նույն այդ դաշնակից պետությունները հասկանան, որ պետք է ինչ-ինչ հարցերում զիջումների գնալ մեր երկրի հետ, իսկ եթե շարունակեն հակահայկական գործունեությունը՝ ինչու ոչ, պետք է դուրս գալ:

- Համաձայն եք, որ 1988 թվականից ի վեր Հայաստանի թիվ մեկ խնդիրն արցախյան հարցն է այլ, ոչ թե ով կլինի երկրի առաջին դեմքը կամ ուժը:

- Կարծում եմ, որ ԼՂՀ հարցն այն գերակա խնդիրն է, որը պետք է մնա գերակա: Մեր գործողությունները բոլոր առումներով՝ տնտեսության, իշխանափոխության, արտաքին քաղաքականության, զինված ուժերի, պետք է ուղղված լինեն տվյալ խնդրի արդյունավետ լուծմանը, իսկ դրա արդյունավետ լուծումը հզոր տնտեսություն, հզոր բանակ ունենալն է: Այսքսան տարիների ընտացքում դժվար չէր այդ ամենը ձեռք բերելը, քանի որ լավ գիտենք այդ տարիներին որքան գումար եկավ մեր երկիր: Ոչ ոք մեզ չէր կարող ուժի տեսակետից թելադրել ինչ որ պայմաններ բանակցությունների ընթացքում և բոլոր քայլերը պետք է ուղղված լինեն դրան: Պետք չէ շատ խելացի լինել հասկանալու համար, որ եթե հզոր տնտեսություն և հզոր բանակ ունենայինք, չէր լինի Քառօրյա պատերազմը:  Եթե մենք կարողանանք թելադրող լինենլ մեր արտաքին քաղաքականության ասպարեզում, ապա դա պետք է լինի ամուր թիկունքի և զինված բանակի դեպքում, նույն արցախյան խնդրի քննարկումներն ու լուծումնեն այլ կլինեին, ես դրանում համոզված եմ:

- Կարծո՞ւմ եք հնարավոր է հզոր տնտեսություն ստեղծել շրջափակված երկրում:

- Իհարկե, միանշանակ հնարավոր է: Մենք ավելի շրջափակված չենք, քան Իսրայեն էր շրջափակված արաբական բազմաթիվ թշնամի պետություններով: Ավելի վատ բնակլիմայական պայմաններ չունենք, քան անապատում կառուցած Իսրայել պետությունը և ի վերջո, մենք խելքի առումով այնքան էլ չենք զիջում հրեաներին: Նրանք քայլեր ձեռնարկեցին և կարճ ժամանակում արեցին ամեն բան: Մենք ունենք մեծ Սփյուռքի պոտենցիալ, որը չենք օգտագործել: Պետք է կենտրոնացնել այդ ներուժը, ոչ միայն ֆինանսական, այլև գիտական, ռազմական ներուժը և կունենայինք բարձր տնտեսական ցուցանիշներ: Բարձրաձայնել ենք էներգետիկ ռեսուրսների հարցը: Նավթը շուտով կդառնա արևային էներգիա, քամու էներգիան, ի դեպ, որին վաղուց անցում է կատարել Եվրոպան: Մենք էլ ունենք սարեր, մենք ևս կարող ենք էներգիա ստանալ և գնելու կարիք չի լինի: Պետք է մեր գիտնականներին թույլ տանք, որ իրենք դա արտադրեն, ինչի շնորհիվ կունենանք մեր քամու և արևի էներգիան:

Խմելու ջրի ռեսուրսների մասին չպետք է մոռանանք: Նույն Արաբական թերակղզին մեզանից շատ հեռու չէ և ամենօրյա խմելու ջրի կարիք ունեն: Մենք կարող ենք արտահանման ծավալներ տանք, սակայն ցավոք չկա ոչ պետական մոտեցում, ոչ պետական ծրագիր: Մեր խմելու ջրի մեծ մասը գնում լցվում է Արաքս, որտեղից էլ գնում է հարևան թշնամի երկիր:

- ՀՀԿ-ն, ի տարբերություն 2017 թ. իրենց ծրագրի, հիմա հայտարարում է` ոչ մի թիզ հող չպետք է զիջվի: Ձեր մեկնաբանությունն այս հարցի հետ կապված:

- Հասկանալի է, որ նախընտրական շրջան է և ընտությունները շատ բան են խեղաթյուրում, բայց եկեք իրատես լինենք: Նույն ՀՀԿ-ն շատ հեշտ հանձնում էր այդ հողերը: Չպետք է մոռանալ, երբ իրենց ղեկավարը գնում էր Կազան, և համաձայնությունը տված սպասում էր Ալիևի համաձայնությանը: Հիմա չգիտենք ում շնորհակալություն հայտնենք՝ Ալիևի՞ն, որ չհամաձայնվեց, թե՞ բանակցողներին: Այսինքն, եթե իրենք պատրաստ էին հողերը հետ վերադարձնելուն հիմա նախընտրական շրջանում ասում են «ոչ մի թիզ հող»՝ դա ծիծաղելի է:

Կան քաղաքական ուժեր, ովքեր շատ հեշտությամբ ասում են, որ Հայաստանից պետք է դուրս բերվի ռուսական ռազմաբազաները: Ասելն այլ բան է, իսկ քաղաքական առումով պատկերացնելը լրիվ այլ բան: Իսկ, թե ինչ հետևանքներ կարող է բերել, եթե Հայաստանը գնա այդ քալին սարսափլի կլինի պատկերացնել: Չպետք է մոռանալ, որ ունենք թշնամիներով շրջափակված տարածաշրջան և վերջիններս երբեք աչք չենք թարթի անցնելու ագրեսիվ գործողությունների:

Պարոն Պողոսյան ամփոփելով մեր զրույցը ասացեք խնդրեմ ինչպե՞ս եք գնահատում Ձեր դաշինքի խորհրդարանում հայտնվելու շանսերը:

- Իհարկե մեր շանսերը շատ բարձր եմ գնահատում: Քաղաքականության մեջ կարևորը փոխվստահութնունն է ընտրողի ու թեկնածուի միջև և մենք կունենանք մեր արժանի տեղը ԱԺ-ում, քանի որ մեր ընտրողը մեզ վստահում է, ինչի համար շնորհակալ ենք և ուրախ:

Թեկնածուի օգտին կարող եք քվեարկել Գեղարքունիքի մարզում, թիվ 8 ընտրատեղամասում, 8-րդ քվեաթրթիկի 8-րդ համարին:

ԼՐԱՀՈՍ ԼՐԱՀՈՍ

Պատմության այս օրը. դեկտեմբերի 17
09:30 ԱՅՍՕՐ
Դիտումներ 172
ՀՐԱՏԱՊ ԼՈՒՐ
Այսօր դեկտեմբերի 17-ն է
09:00 ԱՅՍՕՐ
Դիտումներ 115
ՀՐԱՏԱՊ ԼՈՒՐ
Պատմության այս օրը. դեկտեմբերի 16
09:30 16 Դեկ 2018
Դիտումներ 329
ՀՐԱՏԱՊ ԼՈՒՐ
Այսօր դեկտեմբերի 16-ն է
09:00 16 Դեկ 2018
Դիտումներ 123
ՀՐԱՏԱՊ ԼՈՒՐ
Լևոն Տեր-Պետրոսյանը ազգայինի մասին
20:00 15 Դեկ 2018
Դիտումներ 17
ՀՐԱՏԱՊ ԼՈՒՐ
Օրվա մամուլի ընտրանի. դեկտեմբերի 15
19:15 15 Դեկ 2018
Դիտումներ 101
ՀՐԱՏԱՊ ԼՈՒՐ
Փաշինյանը հանդիպել է Կաթողիկոսի հետ
11:00 15 Դեկ 2018
Դիտումներ 17
ՀՐԱՏԱՊ ԼՈՒՐ
Պատմության այս օրը. դեկտեմբերի 15
09:30 15 Դեկ 2018
Դիտումներ 398
ՀՐԱՏԱՊ ԼՈՒՐ