Մուտքագրել որոնվող բառը(երը)
ՄԱՄՈՒԼ

«Հրապարակ». Գալուստ Սահակյան․ Ազգային ժողովն իրավունք չուներ որևէ մեկին թույլ տալ օրենքը խախտելով խոսել

10:20 14 Սեպ 2018
Դիտումներ 105
«Հրապարակ». Գալուստ Սահակյան․ Ազգային ժողովն իրավունք չուներ որևէ մեկին թույլ տալ օրենքը խախտելով խոսել

ԱԺ նախկին նախագահ Գալուստ Սահակյանը կար­ծում է, որ ինքն էնպիսի բան չի խո­սում հեռախոսով, որ անհանգստանա՝ կգաղտնալսե՞ն, թե՞ ոչ: Այդ առումով անհանգստանալու կարի՝ չունի: Նկա­տեցինք, որ գաղտնալսման մշակույթը նոր չէ Հայաստանում, իրենց իշխանու­թյան օրոք էլ են գաղտնալսել, բայց նա կարծում է, որ իրենց ժամանակ գաղտնալսելը դժվար էր՝ «այդպիսի տեխնոլոգիաներ չկային»:

«Էդ գաղտնալսումներն էս ժամա­նակի առաջացրած գործոն են: Դրանից առաջ բոլորս էլ բոլոր տեղերում ամեն ինչ ասում էինք»:

- Այդ դեպքում Հրանտ Բագրատյանին, Զուրաբյանին, մյուսներին ինչպե՞ս են գաղտնալսել:

- Դա ոչ թե գաղտնալսում է ինչ-որ ապարատուրայի միջոցով, այլ ինչ-որ տեղ նստած խոսել են, և այդ խոսակ­ցությունը տեղում ձայնագրել, ներկա­յացրել են:

- Ասում են՝ հնարավոր է Փաշինյան-Սերժ Սարգսյան խոսակցու­թյուններն էլ են գաղտնալսվել և կա­րող են հրապարակվել:

- Տեղյակ չեմ ես, որ նման խոսակ­ցություն է եղել, կամ համատեղ խոսել են: Կարծում եմ՝ նման խոսակցություն­ներ չեն եղել:

- Ինչ եք կարծում՝ Հայաստանո՞ւմ են գաղտնալսել, թե՞ դրսի ուժերի մասնակցությամբ:

- Չեմ կարող դա ասել, հետո՝ խն­դիրներն այնպիսին են, որ վերաբերում են միայն Հայաստանին: Դրսի ուժերին ո՞ւմ պիտի հետաքրքրեր Հայաստանում կատարված եղելությունները:

- Այդ գաղտնալսումն ի՞նչ տվեց մեզ:

- Պետությանը մեծ չարիք տվեց: Սա պետության համար, ասեմ, բավա­կանին լուրջ հետևանքներ է ունենալու, մեկը նա, որ գաղտնալսում են, որը չէր կարելի, և մյուսը՝ այդ գաղտնալսման ժամանակ մոտեցումները, թե մարդկանց ինչպես կարելի է բռնել և բան­տարկել... 

- Բայց դա նորությո՞ւն էր ձեզ համար, ասում են՝ ՀՀԿ-ի օրոք էլ են զանգերով արդարադատություն իրա­կանացրել՝ ում բռնել, ում բաց թողնել:

- Դա միայն ասում են: Նման իրա­վիճակ չենք ունեցել, և կարծում եմ ժամանակը կգա, երբ ընդհանրապես չենք ունենա:

- Նիկոլ Փաշինյանը երեկ ամբիո­նից բացատրեց, թե ինչ խոսակցու­թյուն է եղել իրականում: Ձեզ բավարարեցի՞ն նրա պատասխանները:

- Ես, ճիշտն ասած, չեմ լսել, բայց գիտեմ, որ այդ թույլ տալը օրենքի խստիվ խախտում է, և Ազգային ժողովն իրավունք չուներ որևէ մեկին թույլ տալ օրենքը խախտելով խոսել: Բայց խո­սակցության իմաստը դեռևս չգիտեմ:

- Բաբլոյանը, օրենքը խախտե­լով, երկարացրեց վարչապետի խո­սելու ժամանակը, որ հանրությունն ԱԺ ամբիոնից լսի այդ ամենը, ոչ թե հանրահավաքում: Սա կարո՞ղ է դե­մոկրատական մոտեցում դիտվել ձեր կողմից:

- Օրենք խախտելը դեմոկրատա­կան մոտեցում չի: Իսկ եթե ինչ-որ մի բան ժողովրդին հաճելի է, թող լինի հաճելի:

- Փաստորեն, Արա Բաբլոյանն արեց այնպես, որ ժողովրդի՞ն հաճելի լինի:

- Ես չգիտեմ՝ Արա Բաբլոյանն է արել, ով է արել, ինձ ասացին, որ ժամա­նակ տվեցին, ինքը երկար ու երկար խո­սեց, որը ես ասացի՝ օրենք է խախտել:

- Դուք չէիք տրամադրի այդ ժա­մանակը:

- Չէ, իհարկե, երբևիցե չի եղել, որ ես տրամադրեմ:

Ամբողջական՝ թերթի օրվա համարում

ԼՐԱՀՈՍ ԼՐԱՀՈՍ

Կոնֆուցիոսի կյանքի դասերը
20:00 16 Նմբ 2018
Դիտումներ 318
ՀՐԱՏԱՊ ԼՈՒՐ
Օրվա մամուլի ընտրանի. նոյեմբերի 16
19:15 16 Նմբ 2018
Դիտումներ 60
ՀՐԱՏԱՊ ԼՈՒՐ
Մեկնարկել է Հեռախոսամարաթոն-2018-ը
15:07 16 Նմբ 2018
Դիտումներ 22
ՀՐԱՏԱՊ ԼՈՒՐ
Պատմության այս օրը. նոյեմբերի 16
09:30 16 Նմբ 2018
Դիտումներ 240
ՀՐԱՏԱՊ ԼՈՒՐ
Այսօր նոյեմբերի 16-ն է
08:00 16 Նմբ 2018
Դիտումներ 50
ՀՐԱՏԱՊ ԼՈՒՐ