Մուտքագրել որոնվող բառը(երը)
ՔԱՂԱՔԱԿԱՆ

Ռուստամ Մախմուդյանը՝ վարորդներին համաներում շնորհելու մասին

16:00 11 Հլս 2018
Դիտումներ 195
Ռուստամ Մախմուդյանը՝ վարորդներին համաներում շնորհելու մասին

Այսօր ԱԺ-ում ՀՀԿ խմբակցության պատգամավոր Ռուստամ Մախմուդյանն անդրադարձավ մի շարք վարչական իրավախախտումների համար տուգանքների համաներման մասին նախագծին։ Ըստ նրա՝ այս օրինագիծն ուղղակի ժամանակավրեպ է։

Պատգամավորը շեշտեց՝ իր համար անհասկանալի է՝ ինչ չափորոշիչներով է որոշվել ԱՊՊԱ չունեցող կամ տեխզնման կտրոնը մեքենային չփակցրած վարորդի տուգանքը չներել, իսկ 200 կմ/ժ արագության տակ մեքենա վարած ու տուգանված վարորդին ներել։

Ըստ պատգամավորի՝ դժվար է հասկանալ՝ այստեղ որն է արդարության սկզբունքը։

«Ես հասկանում եմ՝ այս համաներման նախագիծն առավելապես ընդօրինակել ենք 2012-ի համաներման ակտից, բայց, ժողովո՛ւրդ ջան, մենք պետք է գիտակցենք, որ մեզ համար վիճակագրական տվյալները չափազանց կարևոր են։ Եվ երբ ես ասում եմ, որ ժամանակավրեպ է նախագիծը ներկայացվել, հենց սրա համար եմ ասում։ Մենք պետք է կարողանանք ունենալ ձեռքներիս տակ թվական տվյալներ»,- ասաց Մախմուդյանը։

Հիշեցնենք՝ ԱԺ արտահերթ նիստում քննարկվում էր մի շարք վարչական իրավախախտումների համար տուգանքների համաներման մասին նախագիծը, որը ներկայացրել է կառավարությունը։

Վերոնշյալ նախագիծը նախատեսում է վարորդներին ներել 2012-ից մինչև 2017 թվականի դեկտեմբերի 31-ն արձանագրված իրավախախտումները, այսինքն՝ 13, 7 մլրդ դրամի գումար: Նախագիծը տարածվում է տեսանկարահանված ու լուսանկարահանված 150 000 և ճանապարհապարեկային ոստիկանության կողմից արձանագրված 700 000 վարչական իրավախախտումների վրա: Վարչական պատասխանատվությունից կազատվի 150 հազար անձ։

Հասմիկ Սարգսյան

ԼՐԱՀՈՍ ԼՐԱՀՈՍ

Օրվա մամուլի ընտրանի. սեպտեմբերի 18
19:00 18 Սեպ 2018
Դիտումներ 29
ՀՐԱՏԱՊ ԼՈՒՐ
Այսօր սեպտեմբերի 18-ն է
08:00 18 Սեպ 2018
Դիտումներ 43
ՀՐԱՏԱՊ ԼՈՒՐ