Մուտքագրել որոնվող բառը(երը)
VIDEO/PHOTO

Անսովոր թանգարաններ․ Բրենսոնի «Տիտանիկի» թանգարանը

22:00 15 Մայ 2018
Դիտումներ 598
Անսովոր թանգարաններ․ Բրենսոնի «Տիտանիկի» թանգարանը

Տիտանիկի խորտակվելու օրվանից հարյուրից ավելի տարի է անցել, բայց լեգենդար նավը տեսնելու ցանկություն ունեցողների թիվը չի նվազում։ ԱՄՆ Միսուրի նահանգի Բրենսոնի թեմատիկ թանգարանի այցելուները հատուկ հնարավորություն ունեն իրենց Տիտանիկի վրա զգալ։

Интерьер каюты первого класса

Միայն թանգարանի շինությունն արդեն հիացմունք է առաջացնում այցելուների շրջանում։ Այն Տիտանիկի երկու անգամ ավելի փոքր կրկնօրինակն է ու խարիսխ է գցած ջրով լցված ոչ մեծ լողավազանում։ Կողքին չարաբաստիկ սառցաբեկորն է, որը մուտքի մոտ որպես դեկոր է ծառայում։ Թանգարանի ներսում վերստեղծված են նավի կենտրոնական աստիճանները, ճաշասրահը, առաջին ու երրորդ դասերի համար նախատեսված սենյակները, ինչպես նաև իրական Տիտանիկից հանած 400-ից ավելի իրեր։ Թանգարանում մի քանի ինտերակտիվ ցուցահանդես կա։ Այցելուները կարող են դիպչել սառցաբեկորին, լինել կապիտանի սենյակում, որտեղից կառավարել են նավը, ինչպես նաև՝ հեռագրային սենյակում, որտեղից կարելի է SOS ազդանշան ուղարկել։

Галерея музея

Ավանդական մուտքի տոմսի փոխարեն այցելուները «Տիտանիկի» իրական ուղևորներից մեկի անունով տոմս են ստանում։ Իսկ թե ինչպես է դասավորվել այդ մարդու ճակատագիրը, կարող եք իմանալ միայն էքսկուրսիայի ավարտին։ Ուղևորների անունները նշված են նավով ճամփորդության մեկնած 2208 ուղևորների անուններով հուշատախտակին։

Мемориальная доска

Նավում անսովոր մթնոլորտ է։ Թանգարանի աշխատողները սպաների, սպասուհիների ու կապիտանի հագուստով են։ Էքսկուրսիայի ընթացքում ազդանշանի ձայներ են միացնում, վտանգի մասին տեղեկացնող զանգ է հնչում։ Մի խոսքով՝ այցելուներին առաջարկում են զգալ այն, ինչ զգացել են Տիտանիկի ուղևորները։

Обеденный зал первого класса

Թանգարանի գլխավոր ցուցանմուշը Տիտանիկի շքամուտքի աստիճանների պատճենն է, որի արժեքը մեկ միլիոնից ավել է։

Горничная на ступенях парадной лестницы

Թանգարանում «խորտակվող սենյակ» էլ կա, որտեղ տախտակամածը թեք է կառուցված։ Այստեղ կարող եք մակույկ նստել կամ ձեռքը մտցնել սառցաջրի մեջ՝ հասկանալու համար, թե ինչ են զգացել մարդիկ, ովքեր փորձել են փրկվել խորտակվող նավից։

Экспозиция тонущей комнаты

Թանգարանի տերը հետազոտող Ջոն Ջոսլինն է։ Նա գլխավորել է 1987 թվականի «Տիտանիկի» գիտարշավը։ Նրան է պատկանում նաև Թենեսի նահանգի Pigeon Forge նմանօրինակ թանգարանը։

Պատրաստեց Լուսինե Բրուտյանը

ԼՐԱՀՈՍ ԼՐԱՀՈՍ

Այսօր սեպտեմբերի 26-ն է
08:00 ԱՅՍՕՐ
Դիտումներ 66
ՀՐԱՏԱՊ ԼՈՒՐ
Օրվա մամուլի ընտրանի. սեպտեմբերի 25
19:00 25 Սեպ 2018
Դիտումներ 31
ՀՐԱՏԱՊ ԼՈՒՐ