Մուտքագրել որոնվող բառը(երը)
ՄԱՄՈՒԼ

«Հրապարակ». Արմեն Ավակ Ավակյան. Ներդրողի համար շոկ է, որ բոլոր դպրոց ավարտածները շախմատ խաղալ գիտեն

10:32 13 Փտր 2018
Դիտումներ 177
 «Հրապարակ». Արմեն Ավակ Ավակյան. Ներդրողի համար շոկ է, որ բոլոր դպրոց ավարտածները շախմատ խաղալ գիտեն

Հայաստանի զարգացման հիմ­նադրամը, որի «հիմնական առաքելությունն է՝ խթանել երկրի տնտեսական աճը», ինչպես ձևակերպված է 2015-ին ստեղծ­ված հիմնադրամի պաշտոնական էջում, 2017-ի մայիսից ղեկավարում է վարչապետի հասարակական հի­մունքներով խորհրդական, ծնունդով Թեհրանից Արմեն Ավակ Ավակյանը: Նրա մասին խիստ հակասական կարծիքներ կան դաշտում՝ էքստրաավագանտ շոումենից մինչև եվրոպա­կան մտածողությամբ մենեջերի: Արմեն Ավակ Ավակյանը մեզ հետ զրույցում ասաց, որ 2017-ին հիմ­նադրամի գործունեության արդյուն­քում իրենք ունեցել են 15.7 մլն դոլա­րի ներդրում և 5.3 միլիարդ դրամի էլ արտահանման պայմանագիր են կնքել: Այս ցուցանիշները, սակայն, բարձր չեն և իրենց չեն բավարարում: Հույս ունեն այս տարի ավելի մեծ արդ­յունք գրանցել:

- Ձեզ հանդիպած 10 պոտենցիալ ներդրողից քանի՞սն է, որ հիասթա­փություն է հայտնում, և քանի՞սն է, որ ցանկանում է գալ և ներդրում անել այստեղ:

- Երկրից երկիր՝ տարբեր է: Օրի­նակ՝ Լիբանանում կարող եմ ասել, որ տասից տասն էլ պատրաստակամություն հայտնեցին գալ, և էնտեղ ընդ­հանրապես հիասթափություն չտեսա: Լոս Անջելեսում երևի տասից երեքը՝ ավելի բացասական, մեկ-երկուսը՝ ավելի նեյտրալ, հինգը՝ ավելի դրա­կան:

- Ձեր կարծիքով՝ հիասթափու­թյան հիմնական պատճառը ո՞րն է:

- Ինձ էլ է դա հետաքրքիր, ես ինքս փորձել եմ հասկանալ, թե ինչից է, որ գնում եմ Լոս Անջելես, էնտեղ որոշա­կի մասսա շատ ագրեսիվ, բացասա­կան է խոսում Հայաստանի մասին: Սփյուռքահայ լինելով՝ փորձում եմ ինձ վերագրել դա: 90-ականներին շատերը գնացին Ամերիկա: Էդ գնա­լու որոշումը հեշտ որոշում չի եղել: Հի­մա ես դրա էմոցիոնալ կոմպոնենտը ասեմ: Երբ դու որոշում ես գնալ, դու հենց էդ պահին արդեն քեզ մեղա­վոր ես զգում: Էն էմոցիան է քո մոտ առաջանում, որ դու քո պրոբլեմը սա­ռեցնում ես մի տեղ ու փախչում ես՝ էդ իմ պրոբլեմը չէ, թող ուրիշը լուծի: Բայց դու մեղավոր ես զգում, որ դու էդ պրոբլեմը թողնում ես քո ընկե­րոջ, քրոջ, եղբոր վրա: Եվ երբ դու հասնում ես Ամերիկա կամ իքս երկիր, դու էնտեղ նստած՝ մտածում ես, որ էն որոշումը, որ կայացրել ես՝ թողնել քո երկիրը, քո էմոցիոնալ մակարդակը պիտի արդարացնի դա, որովհետև, եթե չարդարացնի, դու դեպրեսիայի մեջ կընկնես: Ու դու սկսում ես մտա­ծել, որ ճիշտ ես արել, և եթե դու ճիշտ ես արել, նշանակում է՝ էստեղ վատ է: Եվ էդ էմոցիոնալ բարիերը շատ դժվար է հաղթահարել:

Ամբողջական՝ թերթի օրվա համարում

ԼՐԱՀՈՍ ԼՐԱՀՈՍ

Scan News-ը՝ նոր կայքով՝ նոր ձևավորմամբ
23:59 31 Դեկ 2018
Դիտումներ 2275
ՀՐԱՏԱՊ ԼՈՒՐ
Այսօր դեկտեմբերի 31-ն է
09:00 31 Դեկ 2018
Դիտումներ 2205
ՀՐԱՏԱՊ ԼՈՒՐ
Այսօր դեկտեմբերի 30-ն է
09:00 30 Դեկ 2018
Դիտումներ 2168
ՀՐԱՏԱՊ ԼՈՒՐ
Մրայա Քերի․ Հերոս
15:00 29 Դեկ 2018
Դիտումներ 4318
Հայ Առաքելական Եկեղեցին այսօր նշում է
09:00 29 Դեկ 2018
Դիտումներ 2064
ՀՐԱՏԱՊ ԼՈՒՐ
Այսօր դեկտեմբերի 29-ն է
08:00 29 Դեկ 2018
Դիտումներ 2175
ՀՐԱՏԱՊ ԼՈՒՐ
Օրվա մամուլի ընտրանի. դեկտեմբերի 28
19:15 28 Դեկ 2018
Դիտումներ 2350
ՀՐԱՏԱՊ ԼՈՒՐ
Ճանապարհները Հայաստանում
08:45 28 Դեկ 2018
Դիտումներ 2365
ՀՐԱՏԱՊ ԼՈՒՐ
Այսօր դեկտեմբերի 28-ն է
08:00 28 Դեկ 2018
Դիտումներ 2127
ՀՐԱՏԱՊ ԼՈՒՐ
Օրվա մամուլի ընտրանի. դեկտեմբերի 27
19:15 27 Դեկ 2018
Դիտումներ 486
ՀՐԱՏԱՊ ԼՈՒՐ