Մուտքագրել որոնվող բառը(երը)
ՀԱՐՑԱԶՐՈՒՅՑ

Դավիթ Խաժակյան․ Իշխանության թողտվությամբ և հաճախ անմիջական մասնակցությամբ են իրականացվում կոռուպցիոն գործարքները

11:00 13 Փտր 2018
Դիտումներ 478
Դավիթ Խաժակյան․ Իշխանության թողտվությամբ և հաճախ անմիջական մասնակցությամբ են իրականացվում կոռուպցիոն գործարքները

ScanNews-ի զրուցակիցը Երևանի ավագանու «Ելք» խմբակցության ղեկավար Դավիթ Խաժակյանն է։

Պարո՛ն Խաժակյան, Հայաստանում բազմիցս բազմաթիվ բարձրաստիճան պաշտոնյաներ խոսել են կոռուպցիան արմատախիլ անելու, կոռուպցիայի բացասական կողմերի մասին, ավելին՝ մեր երկրում գոյություն ունի Կոռուպցիայի դեմ պայքարի խորհուրդ․ ի վերջո, ինչո՞ւ կոռուպցիոն ռիսկերը և, առհասարակ, կոռուպցիան չի նվազում մեր երկրում։

- Այդ հարցի պատասխանը շատ պարզ է, և կարծում եմ՝ այն հայտնի է հասարակությանը. Հայաստանում քաղաքական իշխանությունը երբևէ նման որոշում չի ունեցել: Եղել է կոռուպցիայի դեմ հատվածային պայքար, որը, սակայն, ավելի շատ միտված է եղել կոռուպցիան կառավարելուն, քան այն վերացնելուն: Ավելի պարզ ասած՝ չկա որոշում և քաղաքական կամք՝ կոռուպցիան վերացնելու համար:

Ժողովրդական ասացվածքն ասում է՝ «ձուկը գլխից է հոտում»։ Ի՞նչ եք կարծում, այս պարագայում և՞ս այդպես է։

- Եթե ձուկը կառավարչական համակարգն է, իսկ գլուխը՝ քաղաքական իշխանությունը, ապա, այո՛, քաղաքական իշխանության թողտվությամբ և հաճախ անմիջական մասնակցությամբ են իրականացվում կոռուպցիոն գործարքները:

Ըստ Ձեզ՝ Կառավարությունը, իշխանությունները իրենց վերապահված համապատասխան ջանքերը գործադրո՞ւմ են, որպեսզի կոռուպցիան արմատախիլ արվի մեր երկրից։

 

- Ինչպես արդեն նշեցի, Կառավարությունը մշտապես քայլեր է արել կոռուպցիայի կառավարմանն ուղղված, և ոչ դա արմատախիլ անելուն:

Կոռուպցիայի դեմ պայքարի համար մեծ գումարներ է ծախսում ոչ միայն մեր երկիրը․ միջազգային դոնորները ևս ՀՀ-ին տրամադրում են հակակոռուպցիոն դրամաշներհներ։ Ինչո՞ւ քաղաքացին չի տեսնում նկատելի արդյունք։

- Կոռուպցիայի դեմ պայքարին ուղղված դրամաշնորհները հիմնականում տրամադրվում են հենց Կառավարությանը և դրա շրջանակում ձևավորված հակակոռուպցիոն խորհրդին: Ակնհայտ է, որ թե՛ այդ մեխանիզմը, թե՛ այն, ինչ ձևավորել է Կառավարությունը, որևէ կապ չունի իրական հակակոռուպցիոն պայքարի հետ, ուստի զարմանալի կլիներ, որ այս իրավիճակում քաղաքացին արդյունք տեսներ:

- Ըստ Ձեզ՝ այսօր ի՞նչ պետք է անել մեր երկրում կոռուպցիայից ձերբազատվելու համար։

- Այսօր, վաղը և մինչև հաջորդ խորհրդարանական ընտրությունները պետք է աշխատել մարդկանց հետ, և ցույց տալ կապը կոռուպցիայի և իրենց կատարած ընտրության միջև:

Հասմիկ Սարգսյան

ԵՂԱՆԱԿ

ԼՐԱՀՈՍ ԼՐԱՀՈՍ

Այսօր օգոստոսի 19-ն է
09:00 ԱՅՍՕՐ
Դիտումներ 26
ՀՐԱՏԱՊ ԼՈՒՐ
Դասը վարում է. Ուինսթոն Չերչիլը
21:00 18 Օգս 2018
Դիտումներ 25
ՀՐԱՏԱՊ ԼՈՒՐ
Այսօր օգոստոսի 18-ն է
08:00 18 Օգս 2018
Դիտումներ 27
ՀՐԱՏԱՊ ԼՈՒՐ
Ալեքսանդր Ազարյանը` ՀՔԾ պետի մասին
13:58 17 Օգս 2018
Դիտումներ 46
ՀՐԱՏԱՊ ԼՈՒՐ