ՃՏՊ. «Mercedes»-ը մասամբ հայտնվել է «Toyota Camry»-ի վրա

Պատահարներ 10.04.2020   10:57   737

Ապրիլի 9-ին, ժամը 23:58-ին Ճգնաժամային կառավարման ազգային կենտրոն ահազանգ է ստացվել, որ Երևանի Պռոշյան և Այգեձորի փողոցների խաչմերուկում տեղի է ունեցել ՃՏՊ:

Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Պարզվել է, որ բախվել են «Mercedes» (վարորդ՝ Միսակ Դ.), «Toyota Camry» (վարորդ` Գերասիմ Հ.) և «Opel Vectra» (վարորդի տվյալները չի հաջողվել պարզել) մակնիշների ավտոմեքենաները, ինչի հետևանքով «Mercedes» մակնիշի ավտոմեքենան մասամբ հայտնվել է «Toyota Camry» մակնիշի ավտոմեքենայի վրա:

«Toyota Camry» մակնիշի ավտոմեքենայի ուղևոր Արման Խ.-ն (ծնված 1995 թ.) տարբեր աստիճանի մարմնական վնասվածքներով հոսպիտալացվել է «Հերացի» թիվ 1 հիվանդանոցային համալիր, որտեղ ստանալով համապատասխան բուժօգնություն՝ դուրս է գրվել:

Փրկարարները հոսանքազրկել են «Mercedes» և «Toyota Camry» մակնիշների ավտոմեքենաները:



 Պիտակներ
         ՃՏՊ


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon