Ճանաչի՛ր Չինաստանը․ ովքե՞ր կարող են մասնակցել նոր մրցույթ-վիկտորինային

Իրազեկիչ 23.09.2019   17:38   174
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Այցելություն Չինաստան, համակարգիչներ, սմարթֆոններ և այլ նվերներ շահելու հնարավորություն՝ մրցույթի արդյունքում։

Մրցույթն իրականացվում է Հայաստանում Չինաստանի դեսպանատան, Երևանում Կոնֆուցիոսի ինստիտուտի և «Արմենպրես» լրատվական գործակալության կողմից։

Վիկտորինա-մրցույթը, որը կանցկացվի համացանցային տիրույթում, նվիրված է Չինաստանի Ժողովրդական Հանրապետության 70 ամյակին:

«Հայաստանի և Չինաստանի բարեկամական կապերը դարավոր բնույթ ունեն, դրանք ավելի խորացել են հատկապես 1992 թվականին դիվանագիտական հարաբերությունների հաստատումից հետո» ,- նշեց ՀՀ-ում Չինաստանի արտակարգ և լիազոր դեսպան Թիան Էրլուն՝ ընդգծելով, որ մրցույթի նպատակն է հատկապես հայ երիտասարդության շրջանում Չինաստանի մասին գիտելիքների տարածումը․

«Փոխճանաչման դեպքում կլինի նաև փոխըմբռնում, և փոխըմբռնման դեպքում էլ փոխհամակրանք»։

Մրցույթին կարող են մասնակցել 13 տարին լրացած քաղաքացիները՝ գրանցվելով china70.am կայքում ։ Յուրաքանչյուր  մասնակից ունի միայն մեկ անգամ  գրանցվելու հնարավորություն:

«Հաղթելու է ամենակարճ ժամանակում բոլոր հարցերին ճիշտ պատասխանած մասնակիցը» ,- ասաց «Արմենպրես» լրատվական գործակալության տնօրեն Արամ Անանյանը՝ հիշելով, որ համանուն մրցույթ եղել է նաև 1999 թվականին, սակայն այսօր տեխնոլոգիաները հեշտացնում են մասնակիցների գործը․

«Այնպես ենք արել, որ հարցերը հաղթահարելի լինեն, և հաղթողներ շատ լինեն»:

Կազմակերպիչները նշում են, որ կան դպրոցական մակարդակի և ավելի բարդ հարցեր։

«Հարցերը վերաբերում են տարբեր ոլորտների՝ մշակույթ, սպորտ, տնտեսություն, գրականություն և այլն։ Բոլոր հարցերի պատասխանները մասնակիցները կարող են գտնել համացանցային տիրույթում»,- ասում է Երևանում Կոնֆուցիոսի ինստիտուտի տնօրեն Գոռ Սարգսյանը՝ վերջում հույս հայտնելով, որ Չինաստանում ևս մի օր Հայաստանի մասին կայքեր կլինեն:

Մրցույթի արդյունքները կամփոփվեն 1 ամսից:


 Լուսանկարներ


 Պիտակներ
         Չինաստան


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon