Տիգրան Ավինյանն ընդունել է Լիտվայի դեսպանին

Իրադարձային 13.12.2019   13:09   276
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Դեկտեմբերի 12-ին փոխվարչապետ Տիգրան Ավինյանն ընդունել է Լիտվայի դեսպան Ինգա Ստանիտե-Տոլոչկիենեին։

Ողջունելով հյուրին՝ Տիգրան Ավինյանը համոզվածություն է հայտնել, որ դեսպանի գործունեությունը նոր ազդակ կհաղորդի հայ-լիտվական համագործակցությանը։ 

Շնորհակալություն հայտնելով ընդունելության համար՝ Ինգա Ստանիտե-Տոլոչկիենեն ասել է, որ ջանք չի խնայի երկու երկրների հարաբերությունները նոր մակարդակի հասցնելու համար։ Նա հավելել է, որ հայ-լիտվական կապերը զգալիորեն ակտիվացել են Թավշյա հեղափոխությունից հետո ու նշել, որ Հայաստանում ընթացող բարեփոխումներին նպաստելու համար Լիտվան պատրաստ է ընդլայնել տեխնիկական աջակցությունը։

Տիգրան Ավինյանը կարևորել է առևտրատնտեսական հարաբերությունների զարգացումը և այս առումով առանձնացրել հայ-լիտվական միջկառավարական հանձնաժողովի գործունեությունը, որի հաջորդ նիստը նախատեսվում է անցկացնել մյուս տարի Վիլնյուսում։

Տիգրան Ավինյանը խոսել է մշակման փուլում գտնվող հանրային կառավարման բարեփոխումների ռազմավարության մասին։ Այս համատեքստում անդրադարձ է կատարվել նաև հանրային ծառայությունների թվայնացման գործընթացին, որի համակարգումը իրականացվում է փոխվարչապետի գրասենյակի կողմից։ Հաշվի առնելով Լիտվայի ունեցած դրական փորձը այս ոլորտում՝ Տիգրան Ավինյանը հետաքրքրություն է հայտնել ուսումնասիրել առկա համագործակցության հնարավորությունները։

Զրուցակիցները քննարկել են ներդրումների խթանման, տեղեկատվական տեխնոլոգիաների, վերականգնվող էներգետիկայի, թափոնների վերամշակման ոլորտներին վերաբերող հարցեր։ Անդրադարձ է կատարվել նաև Երևան-Վիլնյուս ուղիղ ավիաչվերթի բացման հնարավորություններին։



 Պիտակներ
         Տիգրան Ավինյանը


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon