Tesla-ում աշխատում են գաղտնի նախագծի վրա

Innovation 31.07.2020   22:45   453

Tesla-ի ինժեներներն աշխատում են պայմանականորեն Palladium կոչվող գաղտնի նախագծի վրա, որի շրջանակներում մշակում են թարմացումներ ավելի վաղ ստեղծված մոդելների՝ Model S-ի եւ Model X-ի համար։

Ըստ Electrek պարբերականի, խոսքը Կալիֆոռնիայում և Նևադայում տեղակայված ձեռնարկություններում լրացուցիչ արտադրական հոսքագծերի ստեղծման մասին է։

Հայտնի է դարձել նաեւ, որ շարունակվում են աշխատանքները եռաշարժիչ ուժային Plaid անվանմամբ սարքավորման վրա, որի մասին Tesla-ի ղեկավար Իլոն Մասկը հիշատակել էր Twitter-ում։ 

Բացի այդ, նորացված մոդելները կստանան ավելի ծավալուն եւ երկարակյաց մարտկոցներ։ Այս ոլորտի վերջին մշակումները Մասկը խոստացել է ներկայացնել սեպտեմբերի 22-ին։ Ժամկետն արդեն մի քանի անգամ փոխվել է կորոնավիրուսի պատճառով, քանի որ Tesla-ի ղեկավարը հրաժարվում է հեռավար տարբերակից։



 Պիտակներ
         Tesla


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb