SpaceX-ն ուղեծիր է դուրս բերել թուրքական արբանյակ

Հունվարի 8-ին Իլոն Մասկի SpaceX- ը հաջողությամբ արձակել է Falcon 9 հրթիռը՝ թուրքական Turksat 5A հաղորդակցական արբանյակով: Արձակման պահը հեռարձակվել է ընկերության Twitter- ի էջում:

Ինչպես նշված է ընկերության կայքում, հինգերորդ սերնդի արբանյակը կգործի երեք տասնամյակ: Դրա օգնությամբ կապահովվեն հեռուստատեսային հեռարձակման ծառայություններ Թուրքիայում, Եվրոպայում, Մերձավոր Արևելքում, Աֆրիկայում և մի շարք այլ տարածաշրջաններում: