Ռուսաստանը պետք է ավելի մեծ դեր խաղա Ղարաբաղում խաղաղության վերականգնման գործում. Փաշինյան

Հարցազրույց 16.10.2020   11:21   43

Ֆրանսիան և ԱՄՆ-ն պետք է աջակցեն Ղարաբաղյան հակամարտության կարգավորմանն ուղղված` Ռուսաստանի ջանքերին։ Այս մասին շվեցարական RTS հեռուստաալիքի տված հարցազրույցում հայտարարել է ՀՀ վարչապետ Նիկոլ Փաշինյանը, հաղորդում է ՌԻԱ Նովոստին։

«Ես կարծում եմ, որ Ռուսաստանը պետք է ավելի մեծ դեր խաղա Լեռնային Ղարաբաղում կայունության և խաղաղության վերականգնման գործում ՝ որպես ԵԱՀԿ Մինսկի խմբի համանախագահ։ Ցանկանում եմ ընդգծել, որ Ռուսաստանը մեր տարածաշրջանին ամենամոտն է, և մինչ ՌԴ–ն ջանքեր է ներդնում Ղարաբաղյան հակամարտության կարգավորմանն ուղղված, ԵԱՀԿ Մինսկի խմբի մյուս երկու համանախագահները ՝ Ֆրանսիան և ԱՄՆ–ը, պետք է աջակցեն այդ ջանքերին»,–ասել է վարչապետը։

Փաշինյանը նաև նշել է, որ հստակ հայտարարություններ են հնչում այն մասին, որ Ռուսաստանը և Հավաքական անվտանգության պայմանագրի կազմակերպությունը (ՀԱՊԿ) կկատարեն իրենց պարտավորությունները Հայաստանի նկատմամբ, եթե տարածաշրջանում իրավիճակը վատանա:

Աղբյուրը՝ armeniasputnik.am



 Պիտակներ
         Փաշինյան-Պուտին


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb