ՌԳԱ-ի նախագահը «Սպուտնիկ V» պատվաստանյութի մշակումը համարել է համաշխարհային սենսացիա

Աշխարհ 13.01.2021   18:48   45

 Կորոնավիրուսային վարակի դեմ պատվաստանյութի մշակումը հայրենական գիտնականների միակ ձեռքբերումը չԷ, բեկումնային հետազոտություններ կան նաեւ այլ ոլորտներում: Այդ մասին, ինչպես տեղեկացնում Է «Արմենպրես»-ը, Ռուսաստանի գիտությունների ակադեմիայի (ՌԳԱ) նախագահ Ալեքսանդր Սերգեեւը հայտարարել Է հունվարի 13-ին «Ռոսիյսկայա գազետա»-ում հրապարակված հարցազրույցում:

«Կորոնավիրուսի դեմ մեր պատվաստանյութերը սենսացիա են դարձել ամբողջ աշխարհի համար, ինչ-որ մեկն անմիջապես սկսեց կասկածներ հայտնել, ինչը եւ հասկանալի Է՝ մրցակցությունը շատ դաժան Է: Բացի պատվաստանյութից, մենք ունենք նաեւ այլ լուրջ ձեռքբերումներ»,-ասել Է Սերգեեւը՝ պատասխանելով հրատարակության այն հարցին, թե ինչպիսին են Ռուսաստանի գիտության ձեռքբերումները համաշխարհային մակարդակով:

ՌԳԱ-ի նախագահի խոսքով՝ նաեւ «համաշխարհային աստղաֆիզիկայի համար բեկում են դարձել «Սպեկտիր-ՌԳ» տիեզերական դիտարանի արդյունքները:

Նա նշել Է, որ «վերջերս մեր գիտության եւս մեկ նշանավոր ձեռքբերում Է Բեխտերեւի հիվանդության (հոդերի խրոնիկական սիստեմային աուտոիմունային հիվանդություն) դեմ դեղամիջոցը»:

«Գիտնականները գտել են, թե սեփական իմունիտետի հատկապես որ բջիջներն են սպանում տիրոջ օրգանիզմը, եւ դրանց դեմ ստեղծել են ուղղորդված գործողությամբ նյութ: Այդ կարեւորագույն հետազոտությունը կապված Է ոչ միայն Բեխտերեւի հիվանդության հետ, դրա նշանակությունը շատ ավելի ընդարձակ Է»,-ասել Է Սերգեեւը, հաղորդել Է «Ինտերֆաքս»-ը:


 Պիտակներ
         «Սպուտնիկ V»


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb