ՌԴ և Թուրքիայի ԶՈՒ անձնակազմերը Իդլիբում նախատեսում են համատեղ վարժանքների

11.02.2021   14:50   74

Ռուսաստանի և Թուրքիայի զինված ուժերի անձնակազմերը, որոնք նախատեսում են մասնակցել Իդլիբ նահանգում համատեղ պարեկությանը, վերապատրաստման դասընթացներ են անցել՝ նպատակ ունենալով մշակել պարեկային կազմի տարբեր գործողություններ:

Ավելի քան վեց ամսվա ընթացքում այդ տարածքում պարեկություն չի եղել, ուստի Սարակիբ քաղաքում անցկացվող զորավարժությունները համատեղ աշխատանքի հաջողության բանալին կդառնան, լրագրողներին ասել է Թուրքիայի զինված ուժերի հրամանատարության ներկայացուցիչը:

«Մենք պետք է մեկ անգամ ևս մշակենք բոլոր առաջադրանքները: Գիտեմ, որ այստեղ բոլոր մարդիկ փորձառու են: Բայց մեզ համար կարևոր է հասնել առավել համակարգված աշխատանքի», – ասել է նա:

Դասընթացի ընթացքում ռուս և թուրք զինծառայողները մշակել են ավտոշարասյունով շարժվելու, դրա վրա հարձակումը հետ մղելու և վիրավորներին տարհանելու, ինչպես նաև այն վայրերում տեղափոխվելու կարգը, որտեղ զինյալները կարող են դարանակալել: Լեզվական արգելքը հաղթահարելու համար զինծառայողներին օգնում է ազդանշանների հատուկ համակարգը, որոնք շարժման մեջ ցուցադրվում են տրանսպորտային միջոցների լուսավորող սարքերով:


 Պիտակներ



 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb