Քոչարյանի և մյուսների գործով դիմումի ուսումնասիրման ժամկետը ՍԴ-ն երկարաձգել է

Օրենքի ուժով 11.06.2019   15:53   249
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Սահմանադրական դատարանը մինչև հուլիսի 9-ը երկարաձգել  է ՀՀ երկրորդ նախագահ Ռոբերտ Քոչարյանի և մյուսների գործով ՍԴ ներկայացված դիմումի նախնական ուսումնասիրման ժամկետը։ Այս մասին տեղեկանում ենք Սահմանադրական դատարանի կայքից:

«Ղեկավարվելով Սահմանադրական դատարանի աշխատակարգի 29-րդ կետով՝ Սահմանադրական դատարանը որոշեց լրացուցիչ ուսումնասիրություններ կատարելու նպատակով 2019 թվականի մայիսի 20-ին Սահմանադրական դատարան մուտքագրված Երևան քաղաքի առաջին ատյանի ընդհանուր իրավասության դատարանի (Ռոբերտ Քոչարյանի և մյուսների գործ) դիմումի նախնական ուսումնասիրման ժամկետը երկարաձգել մինչև 2019 թվականի հուլիսի 9-ը»,- նշված է որոշման մեջ:

Դատավոր Դավիթ Գրիգորյանը մեղադրյալ Ռոբերտ Սեդրակի Քոչարյանի և այլոց վերաբերյալ քրեական գործով դիմել էր ՀՀ Սահմանադրական դատարան՝ խնդրելով քննարկել և պարզել կիրառման ենթակա ՀՀ քրեական օրենսգրքի 300.1-րդ հոդվածի 1-ին մասի (սահմանադրական կարգը տապալելը) և դրա հետ փոխկապակցված ՀՀ քրեական օրենսգրքի 300-րդ հոդվածի 1-ին մասի ( իշխանությունը զավթելը) համապատասխանությունը ՀՀ Սահմանադրության 72-րդ, 73-րդ և 79-րդ հոդվածների պահանջներին, ինչպես նաև մեկնաբանել ՀՀ Սահմանադրության 56.1(Հանրապետության Նախագահն անձեռնմխելի է) և 57-րդ հոդվածները (Հանրապետության Նախագահը կարող է պաշտոնանկ արվել պետական դավաճանության կամ այլ ծանր հանցագործության համար) ՀՀ Սահմանադրության 78-րդ և 79-րդ հոդվածների համատեքստում:

Դատարանը որոշում էր կայացրել կասեցնել քրեական գործի վարույթը` մինչև ՀՀ Սահմանադրական դատարանի կողմից համապատասխան որոշման կայացումը: 
ՀՀ գլխավոր դատախազությունը մայիսի 23-ին բողոքարկել էր ՀՀ երկրորդ նախագահ Ռոբերտ Քոչարյանի և մյուսների գործով Երևան քաղաքի ընդհանուր իրավասության դատարանի դատավոր Դավիթ Գրիգորյանի կայացրած երկու որոշումները:

Ռոբերտ Քոչարյանի և մյուսների քրեական գործի վարույթը կասեցնելու և այն Սահմանադրական դատարան ուղարկելու, ինչպես նաև Ռոբերտ Քոչարյանի խափանման միջոցը փոփոխելու մասին դատարանի որոշումների դեմ ՀՀ դատախազության բողոքների՝ Վերաքննիչ դատարանում քննության օրը նշանակվել է  հունիսի 12-ը` ժամը 12:00-ն:


 Լուսանկարներ


 Պիտակներ
         Քոչարյան և մյուսներ


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon