Քաղաքացիական հասարակության ներկայացուցիչների հետ քննարկվել է ԱՆ բյուջետային ֆինանսավորման հայտը

Իրադարձային 25.06.2019   12:44   285
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Առողջապահության նախարարության պետական առողջապահական գործակալությունում տեղի է ունեցել  հանրային քննարկում «2020-2022 թվականների միջնաժամկետ ծախսային ծրագրի հայտի և 2020 թվականի բյուջետային ֆինանսավորման հայտի» վերաբերյալ:

Քննարկմանը մասնակցել են առողջապահական ոլորտում գործող քաղաքացիական հասարակության ներկայացուցիչներ` «Հայկական առողջապահական ազգային խորհուրդ» կոալիցիայի, «Հայաստանի ՔՀԿ–ների հակակոռուպցիոն կոալիցիայի կառավարման խորհրդի», «Տնտեսական իրավունքի կենտրոն», «Կառուցողական ստոմատոլոգիա» հասարակական կազմակերպությունների նախագահներ և անդամներ, ինչպես նաև առողջապահության նախարարության պետական առողջապահական գործակալության, Դեղորայքային քաղաքականության և բժշկական տեխնոլոգիաների վարչության, Ֆինանսատնտեսագիտական վարչության, «Հիվանդությունների վերահսկման և կանխարգելման ազգային կենտրոնի» և Ծրագրերի իրականացման գրասենյակի մասնագետներ:

Ներկայացվել են հայտի արդեն իսկ 2019 թվականին գործող բյուջետային ծրագրերում նախատեսվող փոփոխությունները՝ ցույց տալով ելակետային և թիրախային ցուցանիշները: Խոսվել է հայտում տեղ գտած նոր նախաձեռնությունների մասին և ընդգծվել դրանց ազդեցությունն առողջապահական ցուցանիշների բարելավման վրա:

Այնուհետև քննարկվել են հայտի լրացման հետ կապված խնդիրները, մեթոդաբանությունը և ծրագրային բյուջետավորման գործընթացի առավելությունները: Մասնակիցները ներկայացրել են իրենց մտահոգությունները, առաջարկները, դիտողությունները և մի շարք հարցերի շուրջ խնդրել են պարզաբանումներ: Առողջապահության նախարարության ներկայացուցիչները սպառիչ պատասխանել են բարձրաձայնված բոլոր հարցերին:

Ամփոփելով հանդիպումը` պայմանավորվածություն է ձեռք բերվել առաջարկներն ու դիտողությունները գրավոր ներկայացնելու վերաբերյալ:


 Լուսանկարներ


 Պիտակներ
         ԱՆ


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon