Պոզիտիվ հոգեթերապիա

Հոգեբանական 15.08.2019   23:35   82
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Պոզիտիվ Հոգեթերապիան հոգեթերապևտիկ մեթոդ է, որը մշակվել է Նոսրաթ Պեզեշկյանի և նրա կոլեգաների, համախոհների օգնությամբ Գերմանիայում 1968թ-ին:
«Առողջ է ոչ թե նա, ով խնդիրներ չունի, այլ նա, ով կարողանում է դրանք լուծել»:
Ն. Պեզեշկյան
Այս մեթոդը բնութագրվում է որպես հումանիստական, հոգեդինամիկ, միջմշակութային հոգեթերապիա և որպես ինտեգրատիվ մեթոդ, քանզի ներառում է հումանիստական, համակարգային, հոգեդինամիկ և կոգնիտիվ-վարքային թերապիայի էլեմենտներ:
Ն. Պեզեշկյանը ծնվել է Իրանում (1933-2010), այնուհետև տեղափոխվել Գերմանիա, որտեղ աշխատել է որպես հոգեբույժ, նյարդաբան և հոգեթերապևտ: Այդ ժամանակ էլ հենց աշխատել է նոր մեթոդի՝ հետագայում Պ.Հթ-ի ստեղծման ուղղությամբ: Դրա շարժառիթն են դարձել հումանիստական հոգեբանության զարգացումը, իր հանդիպումը էկզիստենցիալ հոգեբան ֆրանկլի հետ: Պեզեշկյանը որոնում էր ինտեգրատիվ մի մեթոդ, որը կամուրջ կլիներ հոգեանալիզի և բիհեյվիորալ թերապիայի միջև: Մեթոդն ի սկզբանե կոչվել է «դիֆերենցիալ անալիզ» մինչ 1977թ-ը, այնուհետև Պեզեշկյանը հրապարակում է իր աշխատությունը, որտեղ կիրառում է «Պոզիտիվ հոգեթերապիա» անվանումը: Պոզիտիվ տերմինն իր ծագումնաբանությամբ լատինական «positum»` ակտուալ, առկա, փաստացի բառից է: 
Այսպիսով՝ Պոզիտիվ հոգեթերապիայի նպատակն է գտնել, տեսնել, ճանաչել ոչ թե միայն խանգարումը, սիմպտոմը, խնդիրը, այլ օգնել մարդուն տեսնել ու գիտակցել այդ իսկ խնդրում թաքնված ու առկա ընդունակությունները, հնարավորություններն ու ռեսուրսները և դրանցից, որոնք են գերօգտագորված կամ թերի, ինչը հանգեցրել է այն արդյունքին, որը կոչում ենք խնդիր, հոգեսոմատիկա, խանգարում:
Պոզիտիվ հոգեթերապիայի գործիքակազմը բավականին ծավալուն է. այս հոդվածում նշենք դրանցից մեկը՝ պատմվածքների, իմաստությունների, առակների օգտագործումը՝
Տառապել, թե՞ գործել
Գործողություն 1
Ես գնում եմ փողոցով:Հանկարծ տեսնում եմ խորը փոս:
Ընկնում եմ փոսը:
Կործանված եմ…, հույս չկա… Ես մեղավոր չեմ:
Անսահման ժամանակ կպահանջվի, որպեսզի դուրս գամ:

Գործողություն 2
Ես գնում եմ նույն փողոցով: Հանկարծ տեսնում եմ խորը փոս:
Ես ինձ այնպես եմ պահում, կարծես չեմ տեսնում դա: Նորից ընկնում եմ փոսը:
Չեմ հավատում , որ նորից նույն փոսում եմ: Բայց դրանում իմ մեղքը չկա:
Դեռևս շատ ժամանակ կպահանջվի, որպեսզի դուրս գամ այդտեղից:

Գործողություն 3
Ես գնում եմ նույն փողոցով: Հանկարծ տեսնում եմ մայթում գտնվող փոսը:
Գիտակցում եմ դա… Միևնույն է ընկնում եմ այդ փոսն ըստ սովորության:
Աչքերս բաց են, գիտեմ՝ որտեղ եմ, սրանում ես եմ մեղավոր:
Եվ ես միանգամից դուրս եմ գալիս փոսից:

Գործողություն 4
Գնում եմ նույ փողոցով:
Տեսնում եմ խորը փոսը և դրա կողքով անցնում:

Գործողություն 5
Ես գնում եմ այլ փողոցով:

Աղբյուրը՝ hogebanutyun.am


 Լուսանկարներ


 Պիտակներ
         հոգեթերապիա


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon