Փիթեր անունով արջն ամբողջ կյանքում զրկված է եղել արևի լույսից

Իրադարձային 19.04.2021   18:15   60

Վայրի բնության և մշակութային արժեքների պահպանման հիմնադրամի (FPWC) և Կենդանիների փրկության միջազգային կազմակերպության (IAR) կողմից Հայաստանում իրականացվող Արջերի փրկության ծրագրի շրջանակներում ամենատխուր և հուզիչ պատմությունը, հավանաբար, Փիթեր անունով արջինն է։  

Փիթերն ամբողջ կյանքում բանտարկված է եղել ինչ-որ մութ պահեստում այս փոքրիկ վանդակի մեջ՝ զրկված արևի լույսից։

Նրա կեղտոտ վանդակը պահվել է կատարյալ մթության մեջ և Փիթերն իր ողջ կյանքի ընթացքում չի հասկացել՝ ցերեկ է, թե՞ գիշեր։ Սա շատ ծանր հոգեբական տրավմա է, որին ենթարկվել է արջը։ Այն, ինչի միջով ստիպված է եղել անցնել Փիթերը, շատ ցավալի և տխուր է․․․ ոչ մի կենդանի չպետք է ենթարկվի նման վերաբերմունքի, բայց, ցավոք սրտի, Հայաստանում դեռ այս ամենը շարունակվում է․ դեպքերի մեծամասնությամբ՝ արջերը վերցված են վայրի բնությունից։ 

Այժմ Փիթեր անունով արջը փրկված է և գտնվում է բարեկեցիկ պայմաններով ազատավանդակում, սակայն ՀՀ-ում դեռ կան արջեր, որոնք ևս գտնվում են վատ պայմաններում։ 

Ընդգծենք, որ արջերի փրկության ծրագրի շրջանակներում գործընկեր կազմակերպությունների ջանքերով ոչ բարեկեցիկ պայմաններից փրկվել են շուրջ 35 արջեր, ինչպես նաև ստեղծվել է Վայրի կենդանիների փրկարար կենտրոն (WRC), որտեղ փրկված կենդանիները ապրում են պատշաճ սննդակարգով ապահովված և մասնագետների խնամքի ներքո։ Հիմնադրամի միջազգային գործընկեր IAR-ը իր BREAK THE CAGE արշավի շրջանակներում մեկնարկել է նաև ստորագրահավաք, որով նախատեսվում է խստացնել պատիժը ՀՀ-ում վայրի բնությունից արջ որսալու համար։


 Պիտակներ
         արջ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb