Փետրվարի 19-ին կսկսվի Պողոս Պողոսյանի սպանության գործով քննությունը

Փետրվարի 19-ին, Երևան քաղաքի ընդհանուր իրավասության դատարանում կայանալու է Պողոս Պողոսյանի սպանության գործով վերաբացված գործով առաջին դատական նիստը։

Հիշեցնենք՝ 2020 թվականի հուլիսի 7-ին Վերաքննիչ քրեական դատարանը բավարարեց գլխավոր դատախազության բողոքը և բեկանեց 19 տարի առաջ Երևանի կենտրոնում Պողոս Պողոսյանի սպանության գործն ու այն ուղարկեց նոր քննության։

Դատարանի այդ որոշումից հետո Պողոս Պողոսյանին սպանելու համար մեղավոր ճանաչված ու պայմանական ազատազրկման դատապարտված Ռոբերտ Քոչարյանի թիկնազորից Աղամալ Հարությունյանը ստորագրություն էր տվել չհեռանալու մասին։