Պետդեպը կոչ է արել Մոսկվային պատժել ռուս ցանցահեններին

Աշխարհ 07.06.2021   17:10   54

ՌԴ իշխանությունները պետք է անեն հնարավոր ամեն բան՝ կանգնեցնելու ռուսական տարածքից ընդդեմ ամերիկյան ընկերությունների գործող ցանցահեններին և պատասխանատվության ենթարկելու նրանց։ Այս մասին Axios պորտալի հետ զրույցում ասել է ԱՄՆ պետքարտուղար Էնթոնի Բլինկենը։

Նա նշել է, որ Վաշինգտոնը Մոսկվայի հետ քննարկել է ամերիկյան կորպորացիաների վրա վերջին խոշոր կիբերհարձակումները։

Բլինկենի խոսքով՝ նախագահներ Ջո Բայդենի և Վլադիմիր Պուտինի առաջիկա գագաթնաժողովը կկայանա ոչ թե չնայած այդ ագրեսիային և հարձակումներին, այլ դրանց պատճառով։

«Բայդենը հստակ և ուղիղ կասի, թե ինչ կարող է նա (Պուտինը) սպասել ԱՄՆ-ից, եթե ագրեսիվ, անխոհեմ գործողությունները մեր դեմ շարունակվեն»,-ասել է պետքարտուղարն ու հավելել, որ ԱՄՆ-ը պատրաստ է համագործակցել ՌԴ-ի հետ այն դեպքում, եթե նա փոխի իր որդեգրած քաղաքականությունը։


 Պիտակներ
         ցանցահեն


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb