Պատգամավորը զլմ-ներին․ «Վտանգավոր իրավիճակ եք ստեղծում »

Տեսանկյուն 25.01.2019   10:42   291

ԱԺ «Իմ քայլը» խմբակցության պատգամավոր Վահագն Թևոսյանը Ֆեյսբուքի իր էջում գրում է․
«Իմ հանրագրից, որի էությունն էր «ապատեղեկատվությունը պետք է պատժվի, խոսքի ազատությունը պետք է խրախուսվի, իսկ ԶԼՄ-ներին պետք է հանձնել վերահսկման ավելի լայն մեխանիզմներ», լրագրող-հրապարակախոս Վահան Իշխանյանը մանիպուլյատիվ հետևություն էր արել, որ իշխանությունն ուզում է փակել «անցանկալի լրատվամիջոցները»:
News.am-ը, նույն վերնագրով՝ «Իշխանությունն ուզում է փակել անցանկալի լրատվամիջոցները», տեղադրել էր Իշխանյանի հանրագիրը, որի մեկնաբանություններում ընթերցողները համարյա միակարծիք պնդում էին... լավ կանի, որ փակի:
Սիրելի «անցանկալի լրատվամիջոցներ», ինչպես ինքներդ ձեզ սիրում եք անվանել վերջերս, գիտակցում կամ զգու՞մ եք, որ ինքներդ եք «վառում ռեյխստագը», ինքներդ եք «սպանում Կիրովին», վտանգավոր իրավիճակ եք ստեղծում ձեր իսկ համար, նույնիկ առանց իշխանությունների որևէ գործուն մասնակցության:
Նման գրեթե լիակատար ժողովրդական վստահության պայմաններում, ի՞նչը կարող է ավելի կարևոր լինել ժողովրդավարական իշխանությունների համար, քան ուժեղ ու առողջ լրատվական դաշտ ունենալը: Ինչու՞ եք բոլորիս տունը քանդում՝ հանրության լայն շերտերին ձեր դեմ տրամադրելով, լավ, մի՞թե էս հանգամանքն իրոք չի գիտակցվում ընդհանրապես»:



 Պիտակներ



 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon