«Փաստինֆո». Արա Բաբլոյանի դեմ չկա որևէ ցուցմունք

Իրադարձային 11.01.2020   10:51   307
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Ազգային ժողովի նախկին նախագահ Արա Բաբլոյանի պաշտպանը միջնորդություն է ներկայացրել՝ վերացնելու Արա Բաբլոյանի նկատմամբ որպես խափանման միջոց ընտրված ստորագրությունը երկրից չհեռանալու մասին։

«Փաստինֆո»-ի հետ զրույցում պաշտպան Արամ Վարդևանյանն ասել է՝ Արա Բաբլոյանի գործով լրացուցիչ քննությունը դեռևս չի ավարտվել ու նման պայմաններում Արա Բաբլոյանի նկատմամբ այլևս չի կարող կիրառվել ստորագրություն չհեռանալու մասին խափանման միջոցը:

«Եթե նախաքննական մարմինը, այնուհետև դատախազությունը, ըստ էության, մեղադրական եզրակացության հաստատման չեն հանգում, հետևաբար դա իրենից ենթադրում է առնվազն մեղադրանքի հիմնավորվածության խնդիր։ Մեղադրանքն էլ կառուցված է 300-րդ և 314-րդ հոդվածների վրա։ Այսինքն` հոդվածներից մեկն առնվազն համաներման ենթակա հոդված է։ Համաներման օրենքի տիրույթում դիտարկելու դեպքում՝ դրանով պատիժ, որպես այդպիսին, որևէ անձի նկատմամբ չի կարող կիրառվել, հետևաբար ի՞նչ խափանման միջոցի մասին է խոսքը»,-նշել է Արամ Վարդևանյանը։

Վերջինս նկատել է՝ Արա Բաբլոյանի՝ ՀՀ-ից մեկնելու հնարավորություն չունենալը, իր գործունեությունն իրականացնելու նպատակով, հնարավոր է նաև վնաս պատճառի ընդհանուր առողջապահության ոլորտին։Հարցին՝ արդյոք այժմ անհրաժեշտություն կա, որպեսզի Արա Բաբոլայնն արտերկիր մեկնի, փաստաբանն արձագանքել է.

«Անհրաժեշտության հարցը դնենք մի կողմ։ Սա ավելի ընդհանուր ենք դիտարկում։ Փաստ ունենք` իրավունքի սահմանափակման հետ, որն էլի ինտենսիվ միջոց է։ Ստորագրություն չհեռանալու մասին խափանման միջոցը կրկին խափանման միջոց է, հարկադրանքի միջոց է, որով անձը զրկվում է իր ազատ տեղաշարժման իրավունքից, որի անհրաժեշտությունն առհասարակ նկատելի չէ։ Պատգամավոր Արման Բաբաջանյանի հաղորդման հիման վրա հարուցված քրեական գործը վերաբերում է այնպիսի գործողության, որը կապված էր պատգամավորի լիազորությունների դադարեցման հետ, ինչը որևէ կերպ առնչություն չուներ 300-րդ հոդվածի այն մասի հետ, որով Արա Բաբլոյանին այնուհետև մեղադրանք առաջադրվեց»,-ասել է փաստաբանը՝ հավելելով, որ «Բոլորի համար հասկանալի դարձավ, որ իրավունքի ուժով պատգամավորի լիազորությունների դադարեցումն արձանագրելը բնականոն երևույթ է, իրավաչափ և օրինական, բայց խափանման միջոցն այդ պահից սկսած դեռ կա»,-նշել է Արամ Վարդևանյանը։

Նաև հայտնել է՝ Արա Բաբլոյանի դեմ չկա որևէ ցուցմունք։ Հակառակ պարագայում տեղի կունենար կոնֆրոնտացիայի իրավունքի իրացում. «Այլ կերպ ասած առերեսման քննչական գործողություն տեղի կունենար։ Դա չի եղել, գրավոր ոչ մի ցուցմունք չկա»։

Մինչդեռ ՀՔԾ պետ Սասուն Խաչատրյանն օրերս «Ազատություն» ռադիոկայանին տված հարցազրույցում նշել էր, որ Արսեն Բաբայանը և Արա Բաբլոյանը ճիշտ չեն ասում այն մասին, որ իրենց դեմ ցուցմունք տվող չկա։ Դեռ ավելին, Արամ Վարդևանյանի համոզմամբ քրեական գործում կան Արա Բաբլոյանի անմեղությունն ամբողջությամբ հաստատող մի շարք ապացույցներ։

Պաշտպանը շարունակում է պնդել՝ այն գործողությունները, որոնք կատարել է Արա Բաբլոյանը, իրավաչափ են, օրինաչափ, համապատասխանում են Սահմանադրության և օրենսդրության պահանջներին։

Նշենք, որ ԱԺ նախկին նախագահ Արա Բաբլոյանի գործով դատախազությունը մեղադրական եզրակացությունը չէր հաստատել և դեկտեմբերի 24-ին գործը վերադարձրել էր նախաքննության փուլ։ Դատախազը համամիտ չի եղել Արա Բաբլոյանի գործողություններին ՀՔԾ քննիչի տված իրավական գնահատականի հետ:Ավելի վաղ՝ դեկտեմբերի 13-ին, հայտնել էինք, որ Արա Բաբլոյանի գործով նախաքննությունն ավարտվել է։

Հիշեցնենք, որ հոկտեմբերի 28-ին ՀՔԾ-ում հարուցված քրեական գործի շրջանակներում մեղադրանք է առաջադրվել ԱԺ նախկին նախագահ Արա Բաբլոյանին՝ Սահմանադրական դատարանի լիազորություններին տիրանալու համար՝ ՀՀ քրեական օրենսգրքի 300-րդ հոդվածի 1-ին մասով և 314-րդ հոդվածի 1-ին մասով։ Վերջինս հայտարարել է՝ պայքարելու է իր բարի համբավը վերականգնելու համար։ Քրեական գործով մեղադրվում է նաև ՀՀ ԱԺ աշխատակազմի ղեկավարի նախկին տեղակալ Արսեն Բաբայանը։



 Պիտակներ
         Արա Բաբլոյան


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon