«Օսկարի» հավակնորդների համար նոր պահանջներ են սահմանվել

Cinema 10.09.2020   20:00   99

Ամերիկյան կինոակադեմիան նոր պահանջներ է մտցրել «Օսկարի» հավակնող ֆիլմերի հեղինակների համար: Նոր պահանջները վերաբերում են «Լավագույն ֆիլմ» մրցանակի հավակնորդներին:

Կանոնների նպատակն է պայքարը ռասսայական, էթնիկ, սեռական և այլ փոքրամասնությունների ու կանանց նկատմամբ ճնշումների դեմ:

kulturomania.ru-ի հաղորդմամբ, որպեսզի ֆիլմը կարողանա հավակնել «Օսկարի», պետք է համապատասխանի 4 չափանիշի:

Առաջին կամ երկրորդ պլանի առնվազն մեկ դերասան պետք է ներկայացնի ռասսայական կամ էթնիկ փոքրամասնություն, կամ մնացած դերասանական կազմի առմվազն 30 տոկոսը պետք է կանայք, փոքրամասնությունների ներկայացուցիչներ կամ սահմանափակ հնարավորություններով մարդիկ լինեն:

Նույն պահանջները տարածվում են նաև ստեղծագործական և տեխնիկական անձնակազմի վրա, որոնք մասնակցում են ֆիլմի ստեղծմանը: Կանոնները նաև տարածվում են մարքեթոլոգների, կինովարձույթով զբաղվողների, հասարակայնության հետ կապերի մասնագետների վրա:

Ֆիլմի նկարահանման աշխատանքներում պարտադիր պետք է ներգրավված լինեն նաև նշված խմբերը ներկայացնող ստաժորներ և պրակտիկանտներ: 

Նոր կանոնները կգործեն այն ֆիլմերի համար, որոնք հավակնում են 2024 թվականի մրցանակներին:



 Պիտակներ
         «Օսկարի»


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb