Օսակայի շախմատային այգին, Ճապոնիա

Art News 23.01.2021   23:00   2213

Օսակայում մի քանի տարի առաջ անսովոր մի զբոսայգի է կառուցվել՝ շախմատային այգի, որն ամբողջությամբ նվիրված է սեղանի խաղերին։ Ջրանցքի ափին տեղավորված այգում վանդականախշով ներկված նստարաններ, սքեյթբորդի համար նախատեսված արահետներ ու ծաղկաթմբեր կան։

Դժվար է պատկերացնել, որ շրջանը, որտեղ կառուցվել է այս այգին, դեռ մի քանի տարի առաջ անտերության մատնված ու աղբով լցված տարածք է եղել։

Մի քանի տարի առաջ քաղաքի իշխանությունները որոշել են մաքրել շրջանն ու նրա տարածքում էլիտար բնակավայր կառուցել։ Այդ նախագծի շրջանակներում էլ ստեղծվել է այգին։ Նախագծի հեղինակները TOFU Architects ճարտարապետական ընկերության մասնագետներն են։ Այգին կառուցելիս նրանք օգտագործել են ամենահասարակ ու հեշտ հասանելի նյութերը՝ կարտոն, թուղթ, փայտ, վինիլ և չժանգոտվող պողպատ։

Այսպիսով այգու գոտին ամբողջությամբ էկոլոգիապես մաքուր նյութերից է կառուցվել և դրա համար էլ մեծ ժողովրդականություն է վայելում երեխաների հետ հանգստացողների շրջանում։ Թեմատիկ այգին օգտագործում են նաև ըստ ուղիղ նշանակության՝ տեղացիները գալիս են այստեղ սեղանի խաղեր խաղալու համար։

Պատրաստեց Լուսինե Բրուտյանը


 Պիտակներ
         անսովոր զբոսայգիներ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb