Որոտան գյուղից 12 տուն անցնում է Ադրբեջանին. Առուշ Առուշանյան

Իրադարձային 24.12.2020   11:49   56

Տեղեկություն ստացա, որ Սյունիքի մարզի Որոտան գյուղից 12 տուն անցնում է Ադրբեջանին։ Այս մասին այսօր լրագրողների հետ զրույցում հայտնեց Գորիսի քաղաքապետ Առուշ Առուշանյանը։

Հարցին՝ հիմա մեկնելո՞ւ է Գորիս, Առուշանյանն ասաց. «Այո, շտապ պետք է գնանք, որովհետեւ նոր տեղեկություն ստացա, որ մեր գյուղերից՝ Որոտանից 12 տուն էլ է անցնում։

Գնանք, որ հասկանանք՝ ինչ է կատարվում։ Այսպես որ գնաց, ապա ամեն օրվա վրա տեղեկություն ենք ստանում, որ թշնամին որոշում է՝ դա իր գյուղն է, իր տարածքն է, իր սեփականությունն է, եւ այնտեղ մարդ չկա։ Իշխանությունները երբեք էլ հետաքրքրված չեն եղել այդ գործառույթով։ Հետեւաբար սյունեցիներս պետք է գնանք, հասկանանք՝ ինչ ենք կարողանում անել»։

Հիշեցնենք՝ դեկտեմբերի 23-ին, ադրբեջանցիները մտել էին Սյունիքի մարզի Որոտան բնակավայրի վարչական շրջանի տներից մեկն ու տանտերերից պահանջել մեկ ժամվա ընթացքում այն ազատել։


 Պիտակներ
         Առուշ Առուշանյան


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb