Նիկոլ Փաշինյանը ժամանեց Սանկտ Պետերբուրգ

Քաղաքական 20.12.2019   14:42   2318
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Վարչապետ Նիկոլ Փաշինյանը ժամանեց Սանկտ Պետերբուրգ՝ մասնակցելու Եվրասիական տնտեսական բարձրագույն խորհրդի նիստին։

Օդանավակայանում Նիկոլ Փաշինյանին ողջունեց Ռուսաստանի Դաշնությունում Հայաստանի Հանրապետության արտակարգ և լիազոր դեսպան Վարդան Տողանյանը, այնուհետև վարչապետին դիմավորեցին Լենինգրադի մարզի կառավարության ղեկավարի առաջին տեղակալ, Ֆինանսների կոմիտեի նախագահ Ռոման Մարկովը, Լենինգրադի մարզի կառավարության արտաքին կապերի կոմիտեի ղեկավարի առաջին տեղակալ Իննա Բիգոտսկայան, ՀՀ փոխվարչապետ Մհեր Գրիգորյանը։

Նիկոլ Փաշինյանը նախ կմասնակցի Եվրասիական տնտեսական բարձրագույն խորհրդի նեղ կազմով նիստին, ապա ընդլայնված ձևաչափով հանդիպումներին: Կքննարկվեն Եվրասիական տնտեսական միության գործունեության արդի հարցերը, կներկայացվեն համագործակցության հետագա խորացմանն ու եվրասիական միասնական շուկայի գործունեության բարելավմանն ուղղված խնդիրները։

Նախատեսվում է նաև Եվրասիական տնտեսական հանձնաժողովի 4 տարվա աշխատանքների արդյունքների ամփոփում և ԵԱՏՄ-ի՝ 2020թ.-ի նախագահության փոխանցում Բելառուսի Հանրապետությանը։

Սանկտ Պետերբուրգում Նիկոլ Փաշինյանը կմասնակցի նաև ԱՊՀ մասնակից պետությունների ղեկավարների ոչ պաշտոնական հանդիպմանը, որին մասնակցելու է նաև Ադրբեջանի նախագահ Իլհամ Ալիևը։ Հայաստանի վարչապետի և Ադրբեջանի նախագահի հանդիպում նախատեսված չէ։

ՌԴ նախագահ Վլադիմիր Պուտինի անունից ի պատիվ ԱՊՀ մասնակից պետությունների ղեկավարների կտրվի աշխատանքային ճաշ։ Նշենք, որ Եվրասիական տնտեսական բարձրագույն խորհրդի նախորդ նիստը տեղի է ունեցել հոկտեմբերի 1-ին՝ Երևանում։



 Պիտակներ
         Նիկոլ Փաշինյանը


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon