Մեր հեղափոխության ժամանակ որևիցե բռնության կոչ չի եղել. Ալեն Սիմոնյան

Քաղաքական 23.02.2021   12:35   51

Այսօր լրագրողների հետ զրույցում ԱԺ փոխխոսնակ Ալեն Սիմոնյանը նշել է, թե «իրենց հեղափոխության» ժամանակ բոլոր գործողությունները կրել են խաղաղ բնույթ, որևիցե բռնության կոչ չի եղել։

««Ռադիոտուն» մտնելու կապակցությամբ քրեական գործ է հարուցվել, այս դեպքում ևս քրեական գործեր կհարուցվեն և իշխանությունը կգործի իր լիազորությունների շրջանակում: «Ռադիոտուն» ներխուժելուց, եթե չեք մոռանում, ոստիկաններից մեկը փորձել է զենք կիրառել, բայց չի կիրառել, քանի որ մարդիկ տեսել են, որ ներկաները տրամադրված չեն որևէ բռնության»,-նշել է Սիմոնյանը։

Նա լրագրողներին կոչ արեց այլևս չհամեմատեն իրենց կողմից «Ռադիոտուն» մտնելը և այսօրվա ընդդիմադիրների՝ կառավարության շենք մտնելու, «Ազատություն» ռադիոկայանը ավիրելու հետ. «Այլևս մի բերեք այդ օրինակը, որովհետև այն շատ թույլ փաստարկված օրինակ է, այսօրվա հետ համեմատություն անելու համար»,- ասաց Ալեն Սիմոնյանը:


 Պիտակներ



 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb