Մարինե Սուքիասյան․ «Ցուցադրական դեմարշ՝ ուժայինների հանդեպ»

Տեսանկյուն 06.09.2019   11:29   75
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Վարչապետ Փաշինյանի երեկվա հանդիպումը «Սասնա Ծռերի» Ժիրայր Սեֆիլյանի և Գարեգին Չուգասզյանի հետ ցուցադրական դեմարշ էր ուժայինների հանդեպ։

Պետք է հասկանալ, թե ինչու է Նիկոլ Փաշինյանի դելիգիտիմիզացիայի ենթարկում իր Ոստիկանապետին և ԱԱԾ պետին, ոստիկանության և Ազգային անվտանգության բազմաթիվ պարկեշտ ու հայրենասեր սպաներին և ծառայողներին։

Իրենց ընկերներին, ծառայակիցներին սպանած, Երևանում ՊՊԾ գնդի վրա զինված հարձակում իրականացրած խմբավորվման ղեկավարների հետ հանդիպումը, խոսնակի միջոցով հատուկ դրա կարևորության շեշտմամբ,  Փաշինյանը վիրավորում է ուժայինների, իրավապահների ոչ միայն մասնագիտական, այլև մարդկային արժանապատվությունը։

Ինչպես է նայելու Փաշինյանը ՊՊԾ գնդի գրավման ժամանակ զոհված ոստիկանների ընտանիքների անդամների աչքերին, նրանց ընկերների աչքերին։

Ինչպես է նայելու ամեն օր ծառայություն իրականացնող, այդ թվում կյանքի ռեալ սպառնալիքի տակ ոստիկանության և ԱԱԾ աշխատակիցների աչքերին։

Պետության ուժայինները երեկվա հանդիպումից հասկացել են, որ երկրի այսօրվա ղեկավարը ցանկացած պահի, իր շահերից ելնելով կարող է հանդիպել իրենց վրա կրակողների, իրենց ընկերներին սպանողների հետ։ Այն խմբերի հետ, որոնց դեմ նրանք ամեն օր պայքարում են։ Ոչ մեկը դեռ չի վերացրել սպայի պատիվ հասկացությունը։

Երեկվա հանդիպումից հետո շոկային տրամադրություններ են հասարակության գիտակից շերտերում։ Եվ այդ շոկը առաջիկա օրերին տարածվելու է նաև ԱԺ մեծամասնության` 88-ի շարքերում, որտեղ կան պարկեշտ և գիտակից մեծ թվով մարդիկ։

Կա՛մ խնդիր է դրված բարոյալքել սեփական պետության ուժային համակարգը, կա՛մ կա ինչ-որ ներքին պրոցես, որին մենք տեղյակ չենք, և որն էլ Փաշինյանի՝ հապճեպ նոր համախոհներ, նոր թիմ ձեռք բերելու պատճառն է։ Երկու դեպքում էլ Փաշինյանը պետությունը տանում է շոկերի և անկայության փուլ։

Մարինե Սուքիասյան

«Այլընտրանքային նախագծեր խումբ»


 Լուսանկարներ


 Պիտակներ
         ՊՊԾ


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon