Մարադոնայի մարմինը տեղափոխվել է Բուենոս Այրեսի նախագահական պալատ

Աշխարհ 26.11.2020   12:53   36

Նոյեմբերի 25-ին կյանքից հեռացած արգենտինացի ֆուտբոլիստ Դիեգո Մարադոնայի մարմինը տեղափոխվել է Բուենոս Այրեսի նախագահական պալատ, որտեղ տեղի կունենա հրաժեշտի արարողությունը:

Ֆուտբոլիստի հարազատներն արդեն ժամանել են արարողության անցկացման վայր: Նախագահական պալատում վերջին անգամ 2010 թվականին հրաժեշտ են տվել նախագահ Նեստոր Քիրշներին:

Պալատի դիմացի հրապարակում լեգենդար ֆուտբոլիստի հարյուրավոր երկրպագուներ արդեն հավաքվել են՝ հարգելու Մարադոնայի հիշատակը: Նրա պատվին լայնամասշտաբ ակցիաներ են անցկացվել ամբողջ հանրապետությունում:

Արգենտինայում հայտարարվել է եռօրյա սուգ՝ Մարադոնայի մահվան հետ կապված:

60-ամյա Դիեգո Մարադոնան մահացել է սրտի կաթվածից Բուենոս Այրեսի մերձակայքում գտնվող Տիգրե քաղաքի տանը, որտեղ վիրահատությունից հետո վերականգնողական շրջան է անցել:

Իր կարիերայի ընթացքում Մարադոնան խաղացել է արգենտինական և եվրոպական ակումբներում՝ 490 խաղում խփելով 259 գոլ: Արգենտինայի հավաքականի կազմում ֆուտբոլիստն անցկացրել է 91 հանդիպում և դարձել 34 գոլի հեղինակ:


 Պիտակներ
         Մարադոնա


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon uWeb