Կենսակերպ, որը թույլ կտա կանխարգելել սիրտ-անոթային հիվանդությունները

Իրազեկիչ 04.10.2019   22:45   133
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Սիրտ-անոթային հիվանդություններն աշխարհում մահացության եւ հաշմանդամության գլխավոր պատճառն են. յուրաքանչյուր տարի դրանք խլում են 17 միլիոն մարդու կյանք:

Սիրտ-անոթային հիվանդությունների առաջացման հիմնական գործոններն են՝

•    բարձր զարկերակային ճնշումը
•    արյան մեջ խոլեստերին եւ գլյուկոզայի քանակը
•    ծխախոտը
•    ավելորդ քաշը, ճարպակալումը
•    ֆիզիկական պասիվությունը եւ այլն:

Չափազանց կարեւոր է որոշել զարկերակային ճնշումն օրվա տարբեր ժամերին, քնած վիճակում, գանգատների ժամանակ եւ անկախ դրանցից, քանի որ լինում են դեպքեր, երբ նույնիսկ բավականին բարձր զարկերակային ճնշումը մարդը չի զգում եւ գանգատներ չի ունենում։

Կարեւոր է իմանալ, որ զարկերակային ճնշման դրվագային բարձրացումները տարբեր առօրյա իրավիճակներում, օրինակ՝ ֆիզիկական եւ հոգեբանական լարվածության ֆոնի վրա, համարվում են սրտանոթային համակարգի նորմալ պատասխան։

Սիրտ-անոթային հիվանդությունների ժամանակ ճարպակալումը խիստ հակացուցված է, հատկապես՝ որովայնի հատվածում: Տղամարդկանց մոտ նորմալ է համարվում գոտկատեղի 90 սմ չափը, կանանց պարագայում՝ 80 սմ:

Յուրաքանչյուր ավել սանտիմետր բարձրացնում է ինֆարկտի, ինսուլտի եւ սրտային անբավարարության ռիսկը: 

Սիրտն առողջ պահելու համար խորհուրդ է տրվում օրական հինգ չափաբաժին միրգ եւ բանջարեղեն ուտել, ինչպես նաեւ կրճատել աղի օգտագործումը սննդակարգում: Սննդակարգից պետք է բացառել խմորից պատրաստված ուտեստները, քաղցրեղենը, ապխտած եւ աղի մսամթերքը:

Սրտին հանքանյութեր են անհրաժեշտ, որոնցից ամենակարեւորը կալիումն ու մագնեզիումն են: Դրանք կան բանանում, ծիրանաչրում, հազարի թերթիկներում, ծովամթերքում, կարտոֆիլում, ընդեղենում, շոկոլադում: Սրտի համար իդեալական աղանդեր է համարվում դառը շոկոլադը (70% մաքուր կակաո): Դրա օգտագործումն ամիսը 1-3 անգամ դրական ազդեցություն է ունենում արյան ճնշման վրա:

Կարեւոր է պահպանել նաեւ ֆիզիկական ակտիվություն. օրական ամենաքիչը 30 րոպե ֆիզիկական ակտիվությունն ունակ է կանխարգելել ինֆարկտը եւ ինսուլտը:

Աղբյուրը՝ doctors.am


 Լուսանկարներ


 Պիտակներ
         սիրտ-անոթային


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon