Կապադովկիայի մազերի թանգարանը

Art News 09.07.2020   22:30   1509

Կապադովկիայի հյուրերը հնարավորություն ունեն իրենց հանգիստն անցկացնելիս այցելել տարածաշրջանի ամենաանսովոր թանգարաններից մեկը՝ Մազերի թանգարանը, որտեղ ներկայացված է կանացի վարսերի աշխարհի ամենամեծ հավաքածուն։ Թանգարանը գտնվում է Թուրքիայի Ավանոս քաղաքում։ Հիմնադիրը տեղաբնակ Չեզ Գալիփն է։ Թանգարանի ստեղծման պատմությունը հետաքրքիր ու ռոմանտիկ է։ 1979 թվականին նրա հիմնադիրը բաժանվում է սիրեցյալից, որը որպես հիշատակ երիտասարդին է թողնում իր մազափունջը։

Հենց նշված մազափունջն էլ դարձել է թանգարանի առաջին ցուցանմուշը։ Թանգարանի հավաքածուն այսօր 16․000 նմուշ ունի։ Ժամանակին Չեզ Գալիփը կավե կահ-կարասիի խանութ ուներ, որտեղից կանայք հաճախ գնումներ էին անում։ Նա պատմում է կանանց իր պատմությունը, վերջիններս էլ հուզված իրենց մազերից փունջ են թողնում նրան։ Ժամանակի հետ անսովոր հավաքածուն մեծանում է։ 30 տարվա ընթացքում խանութ է այցելում մոտ 16․000 կին։

Թանգարանը բացելուց հետո կին այցելուների քանակն ավելի է մեծանում։ Թանգարանում ամեն ցուցանմուշի վրա մազերը թողած կնոջ անունն ու հասցեն է նշված։ Ամեն տարի Չեզ Գալիփը 10 մազափունջ է ընտրում ու դրանց տիրուհիներին հյուր կանչում՝ ի նշան երախտագիտության։ Գեղեցիկ սեռի ներկայացուցիչները հիմա էլ կարող են իրենց ավանդն ունենալ թանգարանում՝ թողնելով իրենց մազափունջը, ինչպես նաև կից խանութից ամանեղեն ու տան համար զարդարանք գնել։

Պատրաստեց Լուսինե Բրուտյանը



 Պիտակներ
         անսովոր թանգարաններ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb