Իրաքի Քուրդիստանը ժամանակավորապես փակում է Թուրքիայի հետ սահմանային անցակետը

Աշխարհ 04.08.2020   15:00   138

Իրաքի հյուսիսում գտնվող քրդական ինքնավարության տարածաշրջանային կառավարությունը որոշում է կայացրել 1 շաբաթով փակել Թուրքիայի հետ ցամաքային Իբրահիմ Հալիլ անցակետը։

Նշվում է, որ քաղաքացիների ելումուտի երկկողմանի սահմանափակման պատճառը Իրաքի Քուրդիստանում վերջին օրերին կորոնավիրուսի դեպքերի կտրուկ ավելացումն է։ Ինքնավարության ներքին գործերի նախարարության տարածած հայտարարության մեջ նշվել է, որ անցակետը բաց կմնա բեռնափոխադրումների համար։

Խստացվել են նաև ինքնավարության ներսում կորոնավիրուսի հետ կապված կանոնների պահպանումը։ Սահմանվել է պարտադիր դիմակների կրում բոլոր փակ տարածքներում։

Ըստ պաշտոնական տվյալների՝ Իրաքի Քուրդիստանում վարակի դեպքերի քանակը հասել է 14486-ի։

ermenihaber.am


 Պիտակներ
         Քուրդիստան


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb