Իրանը հերքել է իր օդային տարածքում Boeing-737 օդանավի անհետանալու մասին լուրերը

Իրադարձային 05.03.2021   10:30   76

Իրանի քաղավիացիական ավիացիայի վարչության խոսնակը հերքել է երկրի օդային տարածքում հայկական ավիաընկերությանը պատկանող Boeing 737 ինքնաթիռի անհետանալու մասին լուրերը:

Մարտի 4-ին Մոհամմեդ Հասան Զիբախշը Fars News գործակալությանը տված հարցազրույցում նշել է. «Հայկական ավիաընկերություններից մեկին պատկանող Boeing 737 ինքնաթիռը, որն անցնում էր Իրանի օդային տարածքով, տեխնիկական խնդիրների պատճառով և օդաչուի խնդրանքով, վայրէջք է կատարել Թեհրանի «Մեհրաբադ» օդանավակայանում»:

Նա հավելել է. «Հայկական ավիաընկերության տեխնիկական խումբը վերականգնում է ինքնաթիռի տեխնիկական խնդիրները: Նման խնդիրների առկայության պայմաններում չպլանավորված վայրէջքը սովորական խնդիր է: Տեխնիկական խնդիրների կարգավորումից հետո, ինքնաթիռները վերադառնում են իրենց նպատակակետը»:

Իրանի քաղաքավիացիական ավիացիայի վարչության խոսնակը ասել է. «Ինքնաթիռում ուղևորներ չեն եղել»:

Վերջերս որոշ հայկական լրատվամիջոցներ տարածել էին լուրեր, թե Իրանի օդային տարածքում անհետացել է հայկական «Ֆլայ Արմենիա» ավիաընկերության պատկանող Boeing 737 ինքնաթիռը:

 


 Պիտակներ



 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon uWeb