Հորդանանի թագավորը փորձում է հարթել տարաձայնությունները եղբոր հետ

Հրատապ 06.04.2021   16:45   58

ՏԱՍՍ-ի փոխանցմամբ՝ Հորդանանի Աբդալլահ II թագավորը որոշում է կայացրել իշխող հաշիմիտյան ընտանիքի շրջանակներում հարթել տարաձայնությունները իր արյունակից եղբոր՝ արքայազն Համզա բեն Հուսեյնի հետ։

Այդ մասին ասվում է թագավորական գրասենյակի հայտարարության մեջ, որը երկուշաբթի օրը հրապարակել է Petra գործակալությունը։

«Աբդալլահ II թագավորը իր հորեղբորը՝ արքայազն Հասան բեն Թալալին հանձնարարել է իր ձեռքը վերցնել ծագած խնդիրների լուծումը՝ հաշիմիտյան ընտանիքի ավանդույթներին համապատասխան»,- ասվում է փաստաթղթում։

Թագավորական գրասենյակը նշում է, որ արքայազն Համզան «համաձայնել է թագավորի առաջարկած տարբերակին և իր հավատարմությունն է հայտնել հաշիմիտյան տանը»։

Միապետին ուղղված հաշտարար ուղերձում Համզա բեն Հուսեյնը ընդգծել է, որ «Հորդանանի շահերը պետք է վեր դասվեն մնացած բոլոր նկատառումներից»։


 Պիտակներ
         Հորդանանի թագավոր


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb