Հայաստանի 4 բռնցքամարտիկներ արդեն ապահովել են բրոնզե մեդալները Սոֆիայի մրցաշարում

Սպորտ 25.02.2021   16:00   90

Հայաստանի բռնցքամարտիկները շարունակում են հաջող ելույթները Բուլղարիայի մայրաքաղաք Սոֆիայում ընթացող բռնցքամարտի «Ստրանջայի» թվով 72-րդ միջազգային մրցաշարում:

Մեր 63 կգ քաշային Բենիկ Նիկողոսյանը հաղթել է ամերիկացի Չառլի Շիհիին և մտել կիսաեզրափակիչ, որտեղ կհանդիպի ռուսաստանցի Իլյա Պոպովի հետ: 81 կգ քաշային Գոռ Ներսիսյանը քառորդ եզրափակիչում պարտության է մատնել ղազախստանցի Բաուրժան Բայգոնշեկովին: 91 կգ քաշային Նարեկ Մանասյանը նույն փուլում խնդիրներ չի ունեցել բրազիլացի Աբներ Ջունիորի հետ մարտում:

Գերծանր քաշային Գուրգեն Հովհանիսյանը 5:0 հաշվով վստահ հաղթել է Բուլղարիան ներկայացնող կուբացի բռնցքամարտիկ Յորդան Մորեխոնին և նվաճել կիսաեզրափակիչի ուղեգիր: Մեր այս չորս բռնցքամարտիկներն արդեն առնվազն ապահովել են բրոնզե մեդալներ: 

69 կգ քաշային Գուրգեն Մադոյանը պարտվել է ուզբեկ Բոբո-Ուսմոն Բատուրովին և դուրս մնաց պայքարից։

Այսօր քառորդ եզրափակիչ մրցամարտեր կանցկացնեն մեր երկու բռնցքամարտիկները՝ կանանցից Անի Հովսեփյանը (69 կգ), տղամարդկանցից՝ Արթուր Բազեյանը (57 կգ):

Մրցաշարի կիսաեզրափակիչ հանդիպումները տեղի կունենան փետրվարի 26-ին, իսկ  եզրափակիչները՝ փետրվարի 27-ին:


 Պիտակներ
         բռնցքամարտ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb