Հարավային Կորեայում ստեղծվել է շների հույզերը կարդացող «խելացի» վզկալ

Innovation 13.01.2021   21:43   43

Հարավային Կորեայում վաճառքի է հանվել շան «խելացի» վզկալ: Այն կարող է օգնել որոշելու կենդանու հույզերը՝ հիմնվելով հաչոցի վրա, հայտնում է Reuters-ը:

Ըստ Petpuls ընկերության՝ վզկալը շների տերերին հնարավորություն կտա հասկանալ իրենց կենդանիներին: Սարքն ի վիճակի է ճանաչել հինգ հույզեր՝ ուրախություն, հանգստություն, անհանգստություն, զայրույթ և տխրություն: Զգացմունքային վիճակի մասին տեղեկությունները ստացվում են սմարթֆոնի հավելվածում:

Հատուկ ալգորիթմը, որը մշակվել է 50 տարբեր ցեղատեսակների ավելի քան 10 հազար հաչոցների ձայնագրությունների վերլուծության հիման վրա, թույլ է տալիս հայտնաբերել կենդանիների զգացմունքները: Ընկերությունը սկսել է տվյալների հավաքագրումը 2017-ին. երեք տարի անց աշխատանքներն ավարտվել են: Սարքը վաճառքի է հանվել 2020 թվականի հոկտեմբերին և արժե 99 դոլար:

Ալգորիթմի ճշգրտությունը ստուգվել է Սեուլի ազգային համալսարանի կողմից. ըստ նրանց փորձերի արդյունքների՝ այն կազմել է 90%:


 Պիտակներ
         վզկալ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb