Գագիկ Ծառուկյան․ «Կրթված սերունդն է մեր երկրի զարգացման գրավականը»

Իրադարձային 01.09.2020   12:47   54

«Բարգավաճ Հայաստան» կուսակցության առաջնորդ Գագիգ Ծառուկյանը շնորհավորական ուղերձ է հղել Գիտելիքի օրվա կապակցությամբ, որում ասվում է.

«Սիրելի՛ աշակերտներ, ուսանողներ, մանկավարժներ և դասախոսներ,

Ջերմորեն շնորհավորում եմ Գիտելիքի, գրի և դպրության օրվա առթիվ: Իհարկե համավարակով պայմանավորված սիրելի այս տոնն այս տարի չի նշվում ավանդական խանդավառությամբ, սակայն նրա խորհուրդը շարունակում է մնալ նույնը: Բոլոր ժամակներում էլ կրթության դերն ու նշանակությունն առանցքային է եղել մեր երկրի և հասարակության կյանքում:

Ես մշտապես ասել եմ, որ կրթված ու բանիմաց սերունդն է մեր երկրի զարգացման գրավականը, այն առավել բարեկեցիկ ու բարգավաճ դարձնելու կարևորագույն գործոնը: Գիտելիքն այն զենքն է, որը ստանալուց հետո հնարավոր է դառնալու ձեր բոլոր նպատակների ու երազանքների իրականացումը, նպատակասլաց աշխատանքի միջոցով կյանքի են կոչվելու բոլոր ծրագրերն ու նախաձեռնությունները:

Եվս մեկ անգամ շնորհավորելով բոլորիս այս գեղեցիկ տոնի առթիվ՝ մաղթում եմ ձեզ արդյունավետ ուսումնառություն, նորանոր հաջողություններ և ձեռքբերումներ գիտելիքի աշխարհում:

Աստված պահապա՛ն ձեզ բոլորիդ»:



 Պիտակներ
         Գագիկ Ծառուկյան


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb