Ֆրանսիան ակնկալում է, որ Եվրամիությունը գործողություններ կձեռնարկի Թուրքիայի դեմ

Աշխարհ 28.10.2020   16:24   41

Ֆրանսիան անհրաժեշտ է համարում, որ Եվրամիությունն իր հաջորդ գագաթնաժողովում գործողություններ ձեռնարկի Թուրքիայի դեմ: Այս մասին երեկ հայտարարել է Ֆրանսիայի Եվրոպայի և արտաքին գործերի նախարարի պատվիրակ-նախարար Ֆրանկ Ռիստերը Ազգային ժողովում իր ելույթում, ինչպես նաև Le Figaro թերթին տված հարցազրույցում:

«Ամբողջ Եվրոպան այժմ դատապարտում է Թուրքիայի նախագահ Թայիփ Էրդողանի պահվածքը: Անհրաժեշտ է, որ ԵՄ հաջորդ գագաթնաժողովում նրա գործողություններին եվրոպական պատասխան տրվի», - ասել է Ռիստերը Le Figaro-ին:

Ազգային ժողովում իր խոսքում նա շեշտել է` գագաթնաժողովը «պետք է կայացնի այնպիսի որոշումներ, որոնք նրան թույլ կտան ամրապնդել ուժերի հավասարակշռությունը Թուրքիայի հետ` ապագայում ավելի լավ պաշտպանելու իր շահերն ու եվրոպական արժեքները»:

Ռիստերը խորհրդարանում ելույթի ժամանակ ընդգծել է, որ Էրդողանի ներկայիս գործողությունները «համապատասխանում են իր վարած կուրսին, որն ուղղված է մի շարք հարևան տարածաշրջանների նկատմամբ Թուրքիայի վերահսկողության ապահովմանը և ամրապնդմանը»:


 Պիտակներ
         Եվրամիություն


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb