Facebook-ն ավստրալիացի օգտատերերի համար կվերականգնի նորությունների բովանդակությունը

Network News 23.02.2021   20:10   34

Facebook սոցիալական ցանցը հայտարարել է, որ Ավստրալիայի իր օգտատերերի համար կվերականգի նորությունների բովանդակությունը, հայտնում է BBC-ին։

Ավստրալիայի գանձապետ Ջոշ Ֆրայդենբերգն ասել է, որ Facebook- ում նորությունների էջերն առաջիկա օրերին կվերականգնվեն՝ հավելելով, որ երեքշաբթի օրենքում փոփոխություններ կկատարվեն:

Երկրի կառավարությունը հայտարարել է, որ իր օրենսդրությունում փոփոխությամբ՝ նպատակ ունի տեխնոլոգիական հսկաների և լրատվական ընկերությունների միջև նորությունների բովանդակության արժեքի շուրջ «ավելի արդար» բանակցային գործընթաց ստեղծել:

Անցյալ շաբաթ Facebook սոցիալական ցանցն ավստրալացի օգտատերերին և ԶԼՄ-ներին զրկել էր տեղական և միջազգային նորություններ տարածելու հնարավորությունից։ Դա կապված էր օրինագծի հետ, որն ընդունվելու դեպքում Facebook-ը, Google-ը և այլ հարթակներ ստիպված կլինեին լրատվամիջոցներին վճարել՝ իրենց բովանդակության համար:

Facebook INC ընկերությունից տեղեկացրել էին, որ սոցիալական հարթակում հայտնված բովանդակության դիմաց նախատեսված վճարների սեփական ցուցակն ունեն։


 Պիտակներ
         Facebook


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb