Երևանի պաշտպանության ճակատը պատրաստվում է դատական հայց ներկայացնել

Օրենքի ուժով 12.08.2019   16:14   215
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Երևանի պաշտպանության ճակատը պատրաստվում է դատական հայց ներկայացնել դատարան ընդդեմ Երևանի քաղաքապետարանի: Այս մասին տեղեկացնում է Երևանի պաշտպանության ճակատի մամուլի ծառայությունը: Ըստ ԵՊՃ-ի՝ Երևանի քաղաքապետարանը կոպտորեն խախտել է «Տեղեկատվության ազատության մասին» ՀՀ օրենքի 11-րդ հոդվածի պահանջները՝ իրենց հարցմանն ի պատասխան տեղեկատվություն չտրամադրելով: Հայտարարության մեջ, մասնավորապես, ասվում է.

«Երևանի պաշտպանության ճակատը, համաձայն՝ «Տեղեկատվության ազատության մասին» ՀՀ օրենքի 6-րդ հոդվածով, 8-րդ հոդվածի 3-րդ մասով և 12-րդ հոդվածով սահմանված դրույթների, գրավոր հարցում էր ուղարկել Երևանի քաղաքապետարան՝ «Սանիթեք» ընկերության հետ կնքված պայմանագրերը ստանալու համար: Օրենքով սահմանված հնգօրյա ժամկետը խախտելուց հետո՝ ստացվեց անհիմն պատասխան, ըստ որի՝ Երևանի քաղաքապետարանի և «Սանիթեք», «Սանիթեք ինթերնեյշնլ» ընկերությունների միջև կան որոշակի խնդիրներ (այդ թվում դատական գործեր), ուստի նպատակահարմար չեն գտնում ներկայում տեղեկատվության տրամադրումը՝ նպատակ ունենալով լրացուցիչ դժվարություններ չստեղծել:

Երևանի քաղաքապետարանը կոպտորեն խախտել է «Տեղեկատվության ազատության մասին» ՀՀ օրենքի 11-րդ հոդվածի պահանջները և ապօրինի մերժել է տեղեկատվության տրամադրումը, որը պաշտպանված է ՀՀ Սահմանադրությամբ: Միևնույն ժամանակ՝ քաղաքապետ Հայկ Մարությանի, քաղաքապետարանի տեղեկատվության և հասարակայնության հետ կապերի բաժնի պետի և քաղաքապետի մամլո խոսնակի կողմից ՝ պայմանագրի առանձին հատվածներին հղում անելով ՝ հարցազրույցների, ֆեյսբուք սոցիալական ցանցի միջոցներով աղբահանության թերացման ողջ պատասխանատվությունը դնելը «Սանիթեքի» վրա՝ համարում ենք հասարակական կարծիքը մանիպուլացնելու անհաջող և դատապարտելի փորձ:

Երևանի պաշտպանության ճակատը պատրաստվում է դատական հայց ներկայացնել դատարան՝ պահանջելով նշված տեղեկատվության տրամադրումը:

Միաժամանակ հրավիրում ենք ՀՀ մարդու իրավունքների պաշտպանի ուշադրությունը՝ Երևանի քաղաքապետարանի կողմից թույլ տրված օրինախախտումների վրա և հորդորում ձեռնարկել անհրաժեշտ միջոցառումներ»:


 Լուսանկարներ


 Պիտակներ
         Երևան


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon