ԵՄ-ում արգելվել է Facebook-ի Libra-ի կիրառումը

Network News 07.12.2019   20:20   1515

ԵՄ ֆինանսների նախարարները մերժել են ԵՄ-ում իրական ակտիվների հետ կապված stablecoin կրիպտոարժույթների օգտագործումը, հայտնում է Reuters-ը:

Նման կրիպտոարժույթները ներառում են, մասնավորապես, Libra արժույթը, որը մշակվել է Facebook սոցիալական ցանցի կողմից: Դրա մեկնարկը ծրագրվել էր անել 2020 թվականին, բայց դա կարող է տեղի չունենալ:

«Անհնար է ԵՄ-ում stablecoin-ի օգտագործման վերաբերյալ որևէ համաձայնագիր ձեռք բերել, քանի դեռ չեն որոշվել և հեռացվել այդպիսի արժույթների հետ կապված իրավական, նորմատիվ և վերահսկողական խնդիրները»,- ասված է ԵՄ նախարարների հայտարարության մեջ:

Նախարարները քննարկում են նաև ԵՄ-ում կրիպտոակտիվների և stablecoin-ի կարգավորման կանոնների մշակման հնարավորությունը: ԵՄ հանձնաժողովն արդեն աշխատում է հատուկ կանոնակարգերի մշակման վրա: ԵՄ-ն ստեղծում է նաև իր թվային արժույթը, որը պետք է այլընտրանք լինի մասնավոր կրիպտոարժույթների համար:



 Պիտակներ
         facebook


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon