ԵԱՏՄ-ում նախագահությունը Բելառուսից անցնում է Ղազախստանին

Իրադարձային 24.12.2020   14:35   58

Երեկ կայացել է Եվրասիական տնտեսական հանձնաժողովի ընթացիկ տարվա վերջին նիստը, որով ավարտվել է Բելառուսի նախագահությունը և միության մարմինների կառավարման լիազորությունները 2021թ․-ի համար անցել է Ղազախստանի Հանրապետությանը։

Այս մասին հայտնել է ԵՏՀ Կոլեգիայի նախագահի օգնական Իյա Մալկինան:

Ըստ նրա՝ միության անդամներն ու ԵՏՀ-ն շարունակում են ակտիվ աշխատել տնտեսությունը զարգացնելու համատեղ միջոցառումների ուղղությամբ՝ համաճարակի պայմաններում։

Եվրասիական տնտեսական հանձնաժողովի խորհուրդը հաստատել է լիազորված մարմինների, Եվրասիական տնտեսական միության պետությունների իրավասու մարմինների և ԵԱՏՄ-ի աշխատողների կենսաթոշակային ապահովման մասին համաձայնագրի` 2019 թվականի դեկտեմբերի 20-ի պայմանագրի կիրառման հանձնաժողովի փոխգործակցության կարգը:  Փաստաթուղթը կարգավորում է ԵԱՏՄ երկրների կենսաթոշակային և առողջապահական մարմինների և աշխատողներին կենսաթոշակներ նշանակելու և վճարելու հանձնաժողովի միջև փոխգործակցությունը:

Դեկտեմբերի 23-ին ԵՏՀ խորհուրդը որոշել է նաև իջեցնել ներմուծման մաքսատուրքի դրույքաչափը որոշ տեսակի արհեստական վիսկոզային մանրաթելերի համար` 5% -ից մինչև 0%՝ մինչև 2021 թվականի դեկտեմբերի 31-ը ընկած ժամանակահատվածում:

2020թ․-ին միությունում դիտորդ պետություն են դարձել Կուբան ու Ուզբեկստանը։ 


 Պիտակներ
         ԵԱՏՄ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb