Դոն Քիշոտի պատվիրանները նահանգապետ Սանչոյին և հայաստանաբնակ շատերին

Մտորման համար 26.08.2019   22:00   167
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Միգել Սերվանտես

- Իմ բարեկամ Սանչո, ահա այժմ, երբ ես դեռ նոր եմ սկսում գագաթը բարձրանալ, դու արդեն ժամանակից շուտ և առողջ բանականության օրենքներին հակառակ` քո իղձերը կատարված ես տեսնում: Շատերը կաշառք են տալիս, աղերսում են, չեն քնում, խնդրում են ու համառում և էլի նպատակին չեն հասնում, իսկ մեկ ուրիշը հազիվ ասպարեզ է գալիս, հայտնի չէ, թե ինչ կերպ և ինչու` հասնում է այն պաշտոնին ու դիրքին, որի վրա շատերը աչք էին տնկել

Բևեռիր հայացքդ քեզ վրա և աշխատիր ճանաչել ինքդ քեզ` քանզի դրանից ավելի բարդ ճանաչողություն դժվար է պատկերացնելը: Ճանաչելով ինքդ քեզ` չես փքվի այն գորտի նման, որն ուզում էր եզան հետ համեմատվել, հակառակ դեպքում դու քո գոռոզամիտ խելացնորությամբ կնմանվես փարթամ պոչ և այլանդակ ոտներ ունեցող սիրամարգին: Հիշիր, որ դու մի ժամանակ խոզարած ես եղել: Եթե դու կնոջդ քեզ հետ բերելու լինես (որովհետև հարկ չկա, որ երկարատև ծառայություններ ունեցող կառավարիչները բաժանված լինեն իրենց ամուսիններից), սովորեցրու նրան, լուսավորիր և հղկիր նրա բնածին կոպտությունը, որովհետև շատ հաճախ խելացի նահանգապետի ձեռք բերածը կորչում և կործանվում է անտաշ և հիմար կնոջ երեսից:

Եթե դու հանկարծ ամուրի դառնաս (որ միշտ կարող է պատահել) և քո վիճակը թույլ տա քեզ ավելի տոհմիկ ծագում ունեցող աղջկա հետ ամուսնանալու, ապա ուշադիր եղիր, որ նա իրեն կարթի նման չպահի և չասի` «չեմ ուզում, ջեբս գցիր», որովհետև, ճշմարիտն ասած, դատավորի կնոջ վերցրած ամեն մի կաշառքի համար մարդն է պատասխանատու Ահեղ դատաստանի օրը …

Երբեք մի ղեկավարվիր քո սեփական կամայականության օրենքներով, որովհետև այդ կերպ են վարվում միմիայն իրենց մեծ խելոքներ երևակայող տգետները:
Թող աղքատի արցունքները ավելի շատ կարեկցություն հարուցեն քո մեջ և ոչ պակաս արդարացիություն, քան հարուստի գանգատները: Հանգամանորեն պարզիր քեզ համար, թե որչափով նշանակալից է քո վիճակը, և եթե կարևորագույնը թույլ է տալիս սպասավորներիդ հատուկ սպասազգեստ հագցնել, ապա պատվիրիր, որ այդ սպասազգեստները շքեղ ու վառ չլինեն, այլ լինեն վայելուչ և դիմացկուն, և բաժանիր այն սպասավորների և աղքատների միջև, այսինքն վեց մանկլավիկ հագցնելու փոխարեն, հագցրու երեք աղքատի և երեք մանկլավիկի…


 Լուսանկարներ


 Պիտակներ
         Դոն Քիշոտ


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon