Դեպի Թեհրան տանող ճանապարհին ռումբ է վնասազերծվել․ ահաբեկիչը ձերբակալվել է

Աշխարհ 24.02.2021   18:30   58

Իրանի ոստիկանապետ  գեներալ Հոսեյն Ռահիմին հայտարարել է, որ Թեհրան-Ղոմ ճանապարհին հայտնաբերված ռումբը վնասազերծվել է, իսկ ահաբեկիչը՝ ձերբակալվել: Այս մասին գրում է Pars Today-ը։

«Ոստիկանության աշխատակիցները պարզել են, որ ուղևորներից մեկը մահապարտական ռումբ է տեղափոխում և մտադիր է ռմբադրություն իրականացնել Թեհրանի մի քանի շրջաններում: Ահաբեկիչը ձերբակալվել է Թեհրան-Ղոմ ճանապարհի վճարային տերմինալում»,-հայտնել է Ռահիմին։

Ըստ նրա՝ արագ արձագանքման խումբը 11 րոպեից քիչ ժամանակահատվածում հասել է դեպքի վայր:

Ոստիկանության ուժերի հրամանատարի և ահաբեկչի միջև կես ժամ տևած բանակցությունների արդյունքում,  վերջինիս հաջողվել է ձերբակալել: Գործողության ընթացքում առգրավվել է Քոլթ տեսակի հրացան և 30 փամփուշտ:


 Պիտակներ



 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb