COVID-19-ի պատվաստանյութերից մահվան դեպքեր չեն գրանցվել. ԱՀԿ

Աշխարհ 21.01.2021   14:00   40

Gazeta.ru-ի փոխանցմամբ` Առողջապահության համաշխարհային կազմակերպության փորձագետ Մարիանջելա Սիմաոն հայտնել է, թե կորոնավիրուսի պատվաստանյութից առայժմ չի արձանագրվել մահվան որևէ դեպք:

«Մենք ունենք պատվաստանյութ, որը լայնորեն օգտագործվում է շուկայում: Դա Pfizer-ն է: Առայժմ մենք չենք արձանագրել այս պահին օգտագործվող պատվաստանյութերից մահվան ոչ մի դեպք», – ասել է փորձագետը:

ԱՀԿ-ի ներկայացուցչի խոսքով` եղել են մի քանի կողմնակի ազդեցություններ, օրինակ` անաֆիլակտիկ շոկ, իսկ որոշ պատվաստվածների մոտ կա հակում լուրջ ալերգիաների նկատմամբ: Սիմաոն պարզաբանել է, որ նման պարագայում հարկավոր է պատվաստվել բժշկական հաստատություններում` հսկողության տակ:

Տվյալ պահին ԱՀԿ-ի մասնագետները գնահատում են կորոնավիրուսի դեմ ևս 12 դեղամիջոցների արդյունավետությունն ու անվտանգությունը:


 Պիտակներ
         COVID-19


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb