«Բավարիայի» ֆուտբոլիստից բաժանվելուց մեկ շաբաթ անց 25-ամյա թոփ մոդելին մահացած են գտել

Աշխարհ 11.02.2021   19:15   90

«Բավարիայի» ֆուտբոլիստ Ժերոմ Բոատենգի հետ բաժանվելուց մեկ շաբաթ անց 25-ամյա թոփ-մոդել Կասյա Լեհնհարդին մահացած են գտել Բեռլինի իր բնակարանում: Այս մասին հայտնում են գերմանական լրատվամիջոցները:

Բաժանվելուց հետո Բոատենգը Կասյային մեղադրել էր նրան շանտաժի ենթարկելու համար: Մոդելն էլ չէր լռել, և ի պատասխան՝ ֆուտբոլիստին մեղադրել էր անընդհատ դավաճանությունների ու ստերի համար: Նաև հաղորդվում էր, որ Կասյան խոստացել էր որոշ գաղտնիքներ բացահայտել:

«Ես անպայման ելույթ կունենամ, բայց պետք է ուժերս հավաքեմ: Խնդրում եմ ինձ ժամանակ տվեք: Ես երբեք այսքան խաբված չեմ եղել»,- գրել էր 25-ամյա մոդելը:

Զույգը հարաբերությունների մեջ էր մոտ 15 ամիս: Կասյան նույնիսկ դաջվածք էր արել Բոատենգի անունով:


 Պիտակներ
         թոփ մոդել


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb