ATP 500․ Կարեն Խաչանովը 1/4-րդ եզրափակիչում է

Նիդերլանդների Ռոտերդամ քաղաքում շարունակվում է թենիսի ATP 500 շարքի մրցաշարը։

Ռուսաստանը ներկայացնող հայազգի թենիսիստ Կարեն Խաչանովը դուրս է եկել քառորդ եզրափակիչ։ Խաչանովը երկու սեթում 6-2, 6-2 հաշվով վստահ հաղթանակ է տարել Քեմերուն Նորիի նկատմամբ։

Ավստրալիայի բաց առաջնության եզրափակչի մասնակից, մրցաշարի առաջին համար Դանիլ Մեդվեդևն անակնկալ պարտություն է կրել 1/16-րդ եզրափակչում։ Նա երկու սեթում զիջել է Դուշան Լայովիչին՝ 6-7, 4-6 հաշվով։ Անակնկալ պարտություն է կրել նաև Ալեքսանդր Զվերևը։ Նա երկու սեթում պարտվել է Ալեքսանդր Բուբլիկին՝ 5-7, 3-6։

Մրցաշարում երկրորդ հաղթանակն է տարել Անդրեյ Ռուբլյովը։ Ռուս թենիսիստը երկու սեթում՝ 7-5, 6-2 հաշվով հաղթել է Էնդի Մարեյին ու նվաճել քառորդ եզրափակիչի ուղեգիր։